Դատարան է ներկայացվել միջնորդություն Արմեն Գեւորգյանի արտերկիր մեկնելու մասին։ Միջնորդությունը ներկայացրել է փաստաբան Լուսինե Սահակյանը։

Փաստաբանը տեղեկացրել է ԵԽԽՎ-ի գալիք նիստի եւ հանձնաժողովների ու ենթահանձնաժողովների, քաղաքական խմբերի նիստերի մասին։ Նիստերը կայանալու են Ստրասբուրգում, մասնակիցները ներկա են գտնվելու, հիբրիդային մասնակցություն նախատեսված չէ։ Սահակյանը ներկայացրել է օրակարգը եւ տեղեկացրել Գեւորգյանի պլանավորված ելույթների մասին, այդ թվում ղարաբաղյան թեմատիկայի վերաբերյալ։ Այս առնչությամբ փաստաբանը միջնորդել է թույլ տալ Գեւորգյանին մեկնել արտերկիր հունիսի 19-25-ը։

Դատախազներ Պետրոս Պետրոսյանը եւ Գեւորգ Բաղդասարյանը հարցը թողել են դատավորի հայեցողությանը։