Կլիմայագետները հաղորդել են ածխաթթու գազի՝ մթնոլորտում երբեւէ գրանցված ամենաբարձր մակարդակի մասին։ Ներկա պահին դրա պարունակությունը 50 տոկոսով ավելին է մինչինդուստրիալ ժամանակների համեմատ։ Մոլորակի վրա ածխաթթու գազի այսպիսի քանակություն չի եղել վերջին չորս միլիոն տարիներին։
Գիտական մեկնաբան Նիկոլայ Գրինկոն ներկայացրել է իրավիճակը «Москва 24»-ին։
Նրա խոսքով՝ ածխաթթու գազի մեծ քանակությունը վատ բան է։ Ջերմոցային գազերի գերավելցուկը հանգեցնում է Երկրի գերջերմացման։
Այս խնդրից խուսափելու համար պետք է անցում կատարել էներգիայի մաքուր, վերականգնվող աղբյուրներին։ Դրանց թվում Գրինկոն նշել է ատոմայինը, ջերմամիջուկայինը, արեւի, քամու էներգիաները եւ այլն։ Մենք պետք է պարզապես դադարեցնենք ածխաջուր կորզել երկրակեղեւից ու այն օդ արտանետել, ասել է փորձագետը։
Հավայների Մաունա Լոա դիտարանի ներկայացրած հետազոտությունները ցույց են տվել, որ 2022թ. ածխաթթու գազի խտությունը մթնոլորտում կազմել է 421 մաս՝ 1 միլիոնի հարաբերակցությամբ (ppm)։ Չոր մաքուր օդի նորմը 300 ppm է։
Գրինկոն նշել է, որ նախկինում նույնպես ածխաթթու գազի պարունակությունը Երկիր մոլորակում փոքր չէր։ Այդ շրջանում Երկիրը բարգավաճում էր. դինոզավրերը վերացան, բայց մնացուկային անտառներում դեռեւս ապրում էին փայտե տերեւակերները, գետաձիերը եւ խոտակերների հսկայական քանակություն։ Այնուհետեւ ի հայտ եկան մարդու նախնիները՝ ավստրալոպիթեկները։
Փորձագետի կարծիքով՝ երկրաբնակներն առայժմ չեն կարող Երկիրը վերածել այրված մոլորակի։
