Ռուսաստանը, Ուկրաինան եւ Թուրքիան պաշտպանության նախարարությունների միջոցով արտակարգ կապի ալիք են կազմակերպել՝ ուկրաինական նավահանգիստներից հացահատիկի արտահանման համար, հայտնում է թուրքական TRT Haber հեռուստաալիքը։
Նշվում է, որ պետությունները կոչմամբ գեներալների կնշանակեն՝ այս ալիքի աշխատանքի իրականացման համար։
Հեռուստաալիքի տվյալներով՝ ալիքի շնորհիվ կողմերը կկարողանան մանրամասն քննարկել հացահատիկի արտահանման խնդիրները, ինչի արդյունքում այս գործընթացը կհասցվի իր տրամաբանական ավարտին։
Ավելի վաղ փոխվարչապետ Վիկտորյա Աբրամչենկոն ՌԲԿ-ին տված հարցազրույցում ասել էր, որ Ռուսաստանը չի խոչընդոտում հացահատիկի արտահանմանն Ուկրաինայի տարածքից, այդ թվում՝ այն տարածքներից, որոնք ռուսական զինված ուժերի վերահսկողության տակ են անցել։
Նախօրեին ԱՄՆ նախագահ Ջո Բայդենը հայտարարել էր, որ ԱՄՆ-ն եւ Եվրամիությունը մտադիր են ժամանակավոր ամբարներ կառուցել Ուկրաինայի հետ Լեհաստանի սահմանին, ինչը թույլ կտա ուկրաինական հացահատիկը երկաթուղով Եվրոպա արտահանել:
