News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

Արդարադատության նախարար Կարեն Անդրեասյանն ընդունել է Եվրասիական տնտեսական միության դատարանի դատավորներ Էռնա Հայրիյանին, Արմեն Թումանյանին, Կոլոս Դենիսին և Ալեքսանդր Ֆեդորցովին:

Նախարարությունից NEWS.am-ին հայտնում են, որ հանդիպման մեկնարկին դատավորները ներկայացրել են ԵԱՏՄ դատարանի գործառույթները, ունեցած ձեռքբերումները և գործունեության ընթացքում կուտակած փորձը՝ հատկապես թվայնացման ոլորտում, ինչը կարող է լավ օրինակ ծառայել Հայաստանի դատական համակարգի էլեկտրոնայնացման  գործընթացում, որի մեկնարկն արդեն տրված է:

Կողմերը քննարկել են տարածաշրջանային տնտեսական կայունությանն առնչվող հարցեր, որի երաշխավորներից է նաև ԵԱՏՄ դատարանը:

Ձեռք է բերվել պայմանավորվածություն՝ ամրապնդել համագործակցությունը ԵԱՏՄ ենթակառուցվածքների հետ, այդ թվում՝ ԵԱՏՄ դատարանի, որը կարող է խորհրդատավական եզրակացություններով պարզաբանել մի շարք հարցեր, ինչն էլ իր հերթին կնպաստի Հայաստանի և ԵԱՏՄ անդամ երկրների միջև իրավական դաշտի ինտեգրմանն ու տնտեսական փոխգործակցության բարենպաստ միջավայրի ձևավորմանը:

Հանդիպման ընթացքում ԵԱՏՄ դատարանի դատավորները պատրաստակամություն են հայտնել անհրաժեշտության դեպքում Արդարադատության նախարարության միջնորդությամբ գումարել քննարկումներ հայ գործարարների մասնակցությամբ, որոնց շրջանակներում  կտրվեն պատասխաններ գործարարներին հուզող հարցերի վերաբերյալ: Իսկ այն հարցերը, որոնք լուծում չեն գտնի նման ձևաչափով քննարկումների արդյունքում՝ Արդարադատության նախարարության կողմից կտարվեն քննարկման Եվրասիական տնտեսական հանձնաժողովում: Այստեղ ևս լուծում չստանալու դեպքում հարցերը կներկայացվեն ԵԱՏՄ դատարանի դատին:

Տեղեկացնենք, որ ԵԱՏՄ դատարանը միության դատական մարմինն է, որն ապահովում է անդամ-երկրների և միության մարմինների կողմից ԵԱՏՄ պայմանագրի և այլ միջազգային պայմանագրերի կիրառումը միության շրջանակներում: Դատարանի կազմում ընդգրկված են երկուական դատավոր՝ յուրաքանչյուր անդամ պետությունից: Դատարանում կարող են քննվել նաև ԵԱՏՄ տարածքում գործունեություն ծավալող գործարարների, սպորտի, մշակույթի և այլ բնագավառի գործիչների պահանջներն ու իրավունքները, եթե կան կասկածներ, որ խախտվել են ԵԱՏՄ պայմանագրի և այլ միջազգային պայմանագրերի կետեր:

Տպել
Կարդացեք նաև
Ամբողջը
Ռուսաստանը մտադիր է հրաժարվել Եվրասիական զարգացման բանկի վերահսկիչ փաթեթից․ Bloomberg
Աղբյուրների համաձայն՝ այժմ Ռուսաստանին է պատկանում վարկային կազմակերպության բաժնետոմսերի 65,97 տոկոսը․․․
Ինձ հետաքրքիր է ոչ թե Հայաստան ԱՄՆ ԿՀՎ ռեկավարի այցը եւ քննարկվելիք թեման, այլ նրա երթուղին․ Իսկանդարյան
Ինձ հետաքրքիր է ոչ թե Հայաստան ԱՄՆ ԿՀՎ ռեկավարի այցը եւ քննարկվելիք թեման, այլ նրա երթուղին․․․
Վարչապետ Նիկոլ Փաշինյանը ՊԵԿ երկու աշխատակիցների գործուղել է Մոսկվա՝ ԵԱՏՄ երկրների փորձագետների նիստին մասնակցելու
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի...
Իգոր Դոդոնը հայտարարել է, որ Քիշնեւը կարող է զենք ապահովել Ուկրաինային իր տարածքով
«Ամեն օր հարյուրավոր բեռնատարներ Մոլդովայով գնում են դեպի Ուկրաինա․․․
ԵԱՏՄ-ն 2023թ. պանրի եւ ալկոհոլային թրմերի անմաքս ներկրման քվոտաներ կտրամադրի Սերբիային
Սերբիային քվոտաների տրամադրումը նախատեսված է ազատ առեւտրի գոտու մասին համաձայնագրով...
ԵԱՏՄ-ն անցնում է ինտեգրացիոն ներուժի բացահայտման փուլ. Նիկոլ Փաշինյան
Ի շահ ընդհանուր տնտեսական տարածքի ստեղծման և կայուն տնտեսական աճի...
Ֆոտոռեպորտաժներ