Շքեղ սպորտային մեքենաներ արտադրող Ferrari-ն, ինքնատիպությունը պահպանելու համար, միշտ մի մեքենա պակաս կարտադրի, քան ցանկանում են հարուստ հաճախորդները, քանի որ անցնում է էլեկտրական մոդելների։ Այս մասին հայտարարել է գլխավոր տնօրեն Բենեդետո Վինյան՝ ներկայացնելով ընկերության նոր բիզնես-պլանը, տեղեկացրել է Reuters-ը։
Նա հաստատել է, որ ավտոարտադրողը 2025թ. թողարկելու է առաջին էլեկտրական մոդելը։
Ferrari-ն ակնկալում է, որ 2025թ. էլեկտրամեքենաները կկազմեն վաճառքի 5 տոկոսը եւ 40 տոկոսը՝ 2030թ., ասել է Վինյան։ Ընկերությունը կարտադրի սեփական էլեկտրաշարժիչներ, ինվերտորներ եւ կուտակչային մոդուլներ իր էլեկտրամեքենաների համար։
Եվրոպայում եւ Չինաստանում խոշոր ավտոարտադրողները, վառելիքի սահմանափակման հետ կապված, պարտավորվել են մինչեւ 2025թ. ավելի քան 250 մլրդ դոլար ծախսել էլեկտրիֆիկացման անցնելու համար։
Ferrari-ին փորձելու է ստեղծել այնպիսի մեքենաներ, որոնք բարձր արտադրողականությամբ կարող են համեմատվել վառելիքով աշխատող նախորդ մեքենաների հետ։
Իտալական հայտնի ավտոարտադրողը ունեւոր գնորդներին առաջարկելու է հուզական տպավորություններ՝ կապված հզոր շարժչի խռպոտ մռնչոցի հետ։
Հաճախորդներին եւ ներդրողներին դուր է գալիս այն, ինչ այսօր անում է Ferrari-ն. ավտոմեքենայի, որի արժեքն սկսվում է 210 000 եվրոյից, պատվերները շատ-շատ են։