Տարվա մեջ շոգ օրերի ավելացումը կապված է ավելի երիտասարդների համեմատ 65 եւ ավելի մեծ տարիքի մարդկանց շրջանում ավելի բարձր հիվանդացության հետ։ Այսպիսի եզրակացության են եկել ԱՄՆ հիվանդությունների վերահսկման եւ կանխարգելման կենտրոնների (ՀՎԿԿ) մասնագետները, որոնք ուսումնասիրել են շոգի եւ հիվանդացության կապը Արիզոնա նահանգի օկրուգների օրինակով։ Այս մասին տեղեկացվել է Morbidity and Mortality Weekly Report ամսագրում հրապարակված հոդվածում։

Հետազոտողներն ուսումնասիրել են շոգի հետ կապված տարիքային հիվանդացությունը Արիզոնա նահանգի Մարիկոպա եւ Յումա օկրուգներում, 2010-2020թթ. ընթացքում, ինչպես նաեւ ուսումնասիրել են 2018-2019թթ. տարեց մարդկանց կողմից զովացնող կենտրոնների՝ օդորակիչ ունեցող հանրային տարածքների օգտագործման տվյալները։

Շոգ օրերի քանակը Մարիկոպա եւ Յումա օկրուգներում միջինն ավելացել է 2010-2020թթ. (ամեն տարի 1,18 եւ 1,71 օր)։ Շոգի պատճառով հոսպիտալացման ավելի բարձր ցուցանիշներ են գրանցվել 65 եւ ավելի բարձր տարիքի մարդկանց մոտ։ Յումա օկրուգում հարցման ենթարկված 65 եւ բարձր տարիքի 39 մարդկանց 44 տոկոսը տեղեկացրել է վերջերս զգացած թուլության մասին։ 18 տոկոսը տեղեկացրել է, որ էլեկտրաէներգիայի արժեքը սահմանափակում է օդորակիչի օգտագործման իրենց հնարավորությունը։