McLaren ընկերությունը ներկայացրել է Artura սպորտային մեքենայի մրցարշավային տարբերակը, որը կփոխարինի McLaren 570S GT4 տարբերակին, տեղեկացրել է «Коммерсантъ»-ը։
Նորույթն ունի բենզինով V6 տուրբոշարժիչ՝ առանց հիբրիդային բաղկացուցչի, Bosch Motorsport կառավարման բլոկ եւ մոդուլային հաղորդալար, որը միանում է 7 աստիճանանոց փոխանցատուփին։ Մեքենան ունի աերոդինամիկ ծածկ, որը թույլ կտա կարգավորել սեղմիչ ուժը, ինչպես նաեւ մրցավազքային նստատեղ՝ անվտանգության ամրագոտիներով, եւ բազմաֆունկցիոնալ ղեկ։
Մեքենան ունի արգելակների հակաբլոկավորող համակարգ, 110 լիտրանոց վառելիքի բաք, մեխանիկական դիֆերենցիալ, ջերմաչափման համակարգ, բախումը կանխող համակարգ, լրցաուցիչ լուսարձակներ, մրցարշավորդներին ջրի մատակարարման համակարգ, երկրորդ նստատեղ սրահում եւ այլ սարքավորումներ։
Նախատեսվում է McLaren Artura GT4-ը հանրությանը ներկայացնել Գուդվուդի արագության փառատոնում, իսկ գնորդները մեքենան կարող են ձեռք բերել 2022թ. երկրորդ կեսին, որպեսզի այն կարողանա սկսել մրցարշավների սեզոն-2023-ը։