Գերմանիան կանգնած է բնական գազի ճգնաժամի առջեւ. ակտիվացվել է արտակարգ իրավիճակների ծրագրի 2-րդ փուլը՝ նախազգուշացնելով, որ Եվրոպայի խոշորագույն տնտեսությունը կանգնած է ճգնաժամի առաջ։
Երկրի կառավարությունը հայտարարել է, որ որոշումն ընդունվել է անցյալ շաբաթ Ռուսաստանի կողմից բնական գազի մատակարարումների կրճատումներից եւ ուկրաինական հակամարտությամբ պայմանավորված էներգակիրների գների կտրուկ աճից հետո: Արդյունաբերական սպառողներին խնդրում են նվազեցնել իրենց օգտագործած բնական գազի քանակը, իսկ Գերմանիան եւ այլ երկրներ վերադառնում են ածուխ օգտագործել որպես փոխարինող՝ վտանգելով Եվրոպայի կլիմայական նպատակները Ռուսաստանի եւ Արեւմուտքի միջեւ էներգետիկ լարվածության սրման պայմաններում:
«Նույնիսկ եթե մենք դա դեռ չենք զգում, մենք գազային ճգնաժամի մեջ ենք»,-ասել է էկոնոմիկայի եւ էներգետիկայի նախարար Ռոբերտ Հաբեկը։