Հայտնի են դարձել Կենտրոնական Ասիայի տարածաշրջանի արագ տեղակայման հավաքական ուժերի «Սահման-2022» զորավարժության մանրամասները, հայտնում է MK-ն։
Դրանք համաձայնեցվել են Ռուսաստանի Դաշնության, Ղազախստանի, Ղրղըզստանի, Տաջիկստանի ռազմական ներկայացուցիչների բանակցությունների ընթացքում, որոնք տեղի են ունեցել Դուշանբեում հունիսի 21-23-ը։ Հավաքական անվտանգության պայմանագրի կազմակերպության (ՀԱՊԿ) միացյալ շտաբի պատվիրակությունը գլխավորել է գեներալ-մայոր Վիկտոր Լիսովսկին։ Կատարվել է զորավարժությունների շրջանի՝ «Հարբմայդոն» զորակայանի հետախուզում, որը գտնվում է Տաջիկստանում՝ Աֆղանստանից մոտ 20 կիլոմետր հեռավորության վրա։
Կենտրոնական Ասիայի Հավաքական անվտանգության տարածաշրջանի արագ տեղակայման հավաքական ուժերը ներառում են մշտական պատրաստության կազմավորումներ, եւ բարձր շարժունակ սարքավորումներով, փոխկապակցված զենքերով եւ կապի համակարգերով հագեցած ստորաբաժանումներ, ինչպես նաեւ մարտական, թիկունքի եւ տեխնիկական աջակցության ստորաբաժանումներ: Ընդհանուր թիվը կազմում է մոտ 5000 մարդ։