Ռուսաստանի նախագահ Վլադիմիր Պուտինը Բելառուսի նախագահ Ալեքսանդր Լուկաշենկոյի հետ հանդիպմանը հայտարարել է «Իսկանդեր-Մ» համալիրները Մինսկին փոխանցելու որոշման մասին, գրում է MK-ը։
«Ինչպես պայմանավորվել ենք ձեզ հետ, դուք բարձրացրել եք այս հարցը, մենք որոշում ենք կայացրել»,-ասել է ՌԴ նախագահը։
ՌԴ նախագահը ուշադրություն է հրավիրել այն փաստի վրա, որ այդ համակարգերը կարող են օգտագործել ինչպես բալիստիկ, այնպես էլ թեւավոր հրթիռներ։
«Եվ ինչպես սովորական, այնպես էլ միջուկային տարբերակներում»,-ընդգծել է Պուտինը։
