News
Լրահոս
News
Շաբաթ
Օգոստոս 20
USD
405.15
EUR
407.5
RUB
6.87
Տեսնել լրահոսը

Ֆրանսիական երեք էներգետիկ ընկերությունների ղեկավարներն այսօր Ֆրանսիայի ժողովրդին կոչ են արել, Ռուսաստանից մատակարարումների կրճատման հետեւանքով առաջացած պակասուրդի եւ գնաճի պայմաններում՝ անհապաղ նվազեցնել վառելիքի, նավթի, էլեկտրաէներգիայի եւ գազի սպառումը, հաղորդում է AP լրատվական գործակալությունը:

«Ջանքերը պետք է լինեն անհապաղ, կոլեկտիվ եւ զանգվածային: Յուրաքանչյուր ժեստ կարևոր է», - նշել են երեք ընկերությունների՝ TotalEnergies-ի, EDF-ի եւ Engie-ի ղեկավարները՝ ֆրանսիական Journal du Dimanche շաբաթաթերթում հրապարակված հազվագյուտ համատեղ հայտարարության մեջ:

Հայտարարության մեջ նշվում է, որ ամռանը ձեռնարկած քայլերը կօգնեն ձմռան ամիսներին:

Հիշեցնենք, որ, ի պատասխան ռուս-ուրաինական պատերազմի հետեւանքով Կրեմլի նկատմամ եվրոպական պետությունների կողմից սահմանված պատժամիջոցների, Ռուսաստանի Դաշնությունը մասամբ կամ ամբողջությամբ դադարեցրել է ռուսական նավթի արտահանումն վերոնշյալ պետություններ:

Ֆրանսիան, ինչպես եւ մյուս եվրոպական պետությունները, փորձում են լրացնել վառելիքի պաշարները՝ վաղ աշնանը քաղաքական եւ տնտեսական ճգնաժամերից խուսափելու նպատակով:

Վառելիքից բացի, երաշտի պատճառով, կրճատվել է նաեւ էլեկտրաէներգիայի արտադրությունը:

«Էներգիայի թանկացող գներն այս դժվարությունների արդյունքն են, որոնք սպառնում են մեր սոցիալական եւ քաղաքական համախմբվածությանն ու ուժեղ ազդեցություն ունեն ընտանիքների գնողունակության վրա»,- ասվում է հայտարարության մեջ։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ