Հարավաֆրիկյան Հանրապետության գիշերային ակումբներից մեկում առեղծվածային հանգամանքներում մահացել է 20 մարդ, գրում է The Sun պարբերականը։
Վաղ առավոտյան շտապ օգնության մեքենաներ են կանչվել, քանի որ սեղանների ու աթոռների վրա հայտնաբերվել են անկենդան առնվազն 20 մարմին: Եւս երկու հոգի գտնվում է ծանր վիճակում:
Բրիգադային գեներալ Թեմբինկոշի Կինանան ասել է, որ հետաքննություն է անցկացվում`մահվան հանգամանքները պարզելու նպատակով եւ հավելել, որ 18-ից 20 տարեկան երիտասարդների մահվան պատճառը որոշելու համար դեռեւս վաղ է:
