Բրազիլիայում մաչետեով զինված կապիկը գրեթե մեկ շաբաթ անհանգստացրել է տեղացիներին, հայտնում է Metro թերթը:
Միջադեպը տեղի է ունեցել Պիաուի նահանգի Կորենտիի շրջանի ազգային պարկի շրջակայքում։ Նկարահանված կադրերում երեւում է, թե ինչպես է պրիմատը մաչետեն սրում աղյուսե պատին եւ փորձում հարվածել կողքով անցնող բնակիչներին՝ ասես սպառնալ փորձելով:
Տեղի բնակիչներից մեկն ասել է, որ բնակչության մի մասը մտահոգ է եւ չի կարողանում բաց թողել տների դռներն ու պատուհանները, իսկ մյուս մասն այս ամենը զվարճալի է համարում: Կապիկը նույնիսկ մեմ է դարձել:
Քաղաքի բնակիչները դիմել են Բրազիլիայի շրջակա միջավայրի պահպանության եւ վերականգնվող բնական պաշարների ինստիտուտ, որտեղ հավաստիացրել են, որ կուսումնասիրեն այդ հարցը։
