News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

Բրիտանացի եւ ավստրալացի գիտնականների ուսումնասիրության համաձայն՝ Արեւմուտքում քաղաքական գործիչներն ավելի երկար են ապրում քան իրենց ընտրողները, հայտնում է Naked Science լրատվականը եւ հավելում, որ գիտնականները հայտնում են 7 տարվա տարբերության մասին, ինչը սոցիալ-տնտեսական անհավասարության հետեւանք է:

Գիտնականները տվյալներ են հավաքել Ավստրալիայից, Ավստրիայից, Կանադայից, Ֆրանսիայից, Գերմանիայից, Իտալիայից, Նիդեռլանդներից, Նոր Զելանդիայից, Շվեյցարիայից, Մեծ Բրիտանիայից եւ Միացյալ Նահանգներից՝ հետազոտելով 1816-ից 2017 թվականները:

Ընդհանուր առմամբ, գիտնականները վերլուծել են 57561 քաղաքական գործիչների կյանքի տեւողությունը, որոնցից 40637-ն արդեն մահացել է։ Ցուցանիշները համեմատվել են նույն ժամանակահատվածում բնակչության կյանքի տեւողության ցուցանիշների հետ։ Նրանք նշել են, որ կյանքի տեւողության տարբերությունը զգալիորեն աճել է 20-րդ դարի երկրորդ կեսից:

Պարզվել է, որ Շվեյցարիայում քաղաքական գործիչների եւ քաղաքացիների կյանքի տեւողության նվազագույն տարբերությունը երեք տարի է, իսկ ԱՄՆ-ում առավելագույնը՝ յոթ։

Գիտնականները նշել են, որ ուսումնասիրությունը չի կարելի տարածել ցածր եկամուտ ունեցող երկրների վրա:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ