News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

2022թ.-ի հունիսի 24-ին տեղի ունեցավ Յունիբանկի Բաժնետերերի տարեկան ընդհանուր ժողովը՝  համատեղ ներկայության կարգով իրական ժամանակի ռեժիմում Zoom հավելվածի միջոցով: Ժողովում ամփոփվեցին բանկի գործունեության 2021թ.-ի արդյունքները և ներկայացվեցին հետագա զարգացման ծրագրերը:

«Հաշվետու տարում բանկի կողմից մեծ աշխատանք է տարվել 2020թ.-ի հետևանքները հաղթահարելու, դինամիկ զարգացում և աճ ապահովելու համար: Տարվա կարևոր ձեռքբերումն էր բանկի կապիտալի ավելացումը: Արտոնյալ բաժնետոմսերի տեղաբաշխման արդյունքում՝  Յունիբանկը մոտ 1,1 միլիարդ դրամով համալրեց կանոնադրական կապիտալը», - իր խոսքում նշեց Յունիբանկի Խորհրդի նախագահ Գագիկ Զաքարյանը:

Այսօր Յունիբանկն ունի 57 մասնաճյուղ և ավելի քան 330 000 հաճախորդ: 2021թ.-ին բացվել են «Արին Բերդ» և «Մոսկվա» մասնաճյուղերը, իսկ «Տաշիր Կենտրոն», «Տերյան», «Ամիրյան» և  «Երիտասարդական» մասնաճյուղերը նորոգվել և արդիականացվել են:

2021թ.-ին  բանկը  պահպանել է առաջատարի իր դիրքը POS վարկերի քանակով: SME Banking Club-ը Յունիբանկը ճանաչել է որպես տարածաշրջանում բիզնեսի համար լավագույն վարկատեսակներ առաջարկող բանկերից մեկը: 2021թ.-ին Visa միջազգային վճարային համակարգը Յունիբանկին շնորհեց «Highest cross-border share in Visa Business volume» մրցանակը:

Բանկը, լինելով պարտատոմսերի շուկայի ակտիվ մասնակից, ընդհանուր առմամբ իրականացրել է պարտատոմսերի 18 թողարկում և տեղաբաշխել շուրջ 4,3 մլրդ դրամ և 39,5 մլն դոլար։

«Ֆինանսական կայունության և ներդրումային գրավչության բարձրացումը, ռիսկերի կառավարման համակարգի կատարելագործումը և ակտիվների որակի բարելավումը շարունակել են առաջնահերթ լինել բանկի համար», - ասաց  Յունիբանկի Վարչության նախագահ Մեսրոպ Հակոբյանը՝ ներկայացնելով բանկի գործունեության վերաբերյալ Վարչության հաշվետվությունը:

Յունիբանկի ակտիվները 2021թ.-ի արդյունքներով կազմել են 252.8 մլրդ դրամ, մեկ տարում աճելով  6.2%-ով: Վարկային ներադրումները կազմել են 135.4 մլրդ դրամ: Պարտավորություններն աճել են 9%-ով՝ կազմելով 222.1 մլրդ դրամ:

Սոցիալական պատասխանատվության ծրագրի շրջանակում Յունիբանկը շարունակել է աջակցել կրթական ոլորտին՝ օգնելով սահմանամերձ շրջանների դպրոցներին: Բանկը դարձել է նաև Համահայկական ինտելեկտուալ շարժման մշտական գործընկեր:

2022թ.-ի առաջնահերթյուններից են բաժնետոմսերի լրացուցիչ թողարկման միջոցով կապիտալի ավելացումը, միջազգային ֆինանսական կառույցների հետ համագործակցության զարգացումը, մանրածախ վարկավորման շուկայում մասնաբաժնի ավելացումը, որպես երկարաժամկետ համաշխարհային միտում՝ «կանաչ» ֆինանսավորման փորձի կիրառումը, ֆինտեխի օգտագործման ընդլայնումը, այդ թվում՝  արհեստական բանականության կիրառումը փոքր բիզնեսի վարկավորման գործում, և այլն:

Տպել
Կարդացեք նաև
Ամբողջը
Իրանի ԿԲ-ն նախատեսում է «թվային ռիալ» ներդնել
Նա նշել է, որ Իրանում արգելված է կրիպտոարժույթների առքուվաճառքը կամ ներդրումների համար դրանց օգտագործումը․․․
Ուղեգիր Մալդիվներ, iPhone 14-ի և ավանդի սերտիֆիկատներ՝ Կոնվերս Բանկի հերթական ակցիայի շրջանակում
Մրցույթի արդյունքները կամփոփվեն և հաղթողները պատահականության սկզբունքով կորոշվեն Բանկի ֆեյսբուքյան էջում ուղիղ հեռարձակման միջոցով....
Թուրքական լիրան մինչեւ հաջորդ տարվա հունիս կարող է նվազել մեկ դոլարի դիմաց մինչեւ 21 լիրա․ HSBC
Թուրքական հինգ բանկեր սկսել են օգտագործել ռուսական «Միր» վճարային համակարգը
Քանի որ Mastercard-ը եւ Visa-ն դադարեցրել են իրենց գործունեությունը Ռուսաստանում, «Միր» քարտով վճարումները ռուս զբոսաշրջիկներին ․․․
ԱրարատՄոբայլ հավելվածում արդեն հասանելի է «Այլ բանկի վարկի մարում» ծառայությունը
ԱրարատՄոբայլ հավելվածում արդեն հասանելի է «Այլ բանկի վարկի մարում» ծառայությունը։ ԱրարատՄոբայլ հավելվածի օգտատերերը կարող են այլ բանկերում…
Ոչ ռեզիդենտ ֆիզիկական անձանց ավանդները փետրվարից մինչեւ հունիսի 30-ը աճել են 70,4 տոկոսով. ԿԲ պաշտոնյա
Այս աճի մեծ մասը պայմանավորված է ցպահանջ ավանդներով: Քանակային առումով...
Ամենաշատ
Ֆոտոռեպորտաժներ