News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

ԵՄ երկրները պայմանավորվել են մինչեւ հաջորդ ձմեռ լցնել միության բնական գազի բոլոր պահեստարանները՝ առնվազն 80 տոկոսով, քանի որ պատրաստվում են Ռուսաստանից մատակարարումների հնարավոր կրճատմանը, հայտնում է AP լրատվական գործակալությունը եւ հավելում, որ ուկրաինական պատերազմի ֆոնին ԵՄ-ն փորձում է  նվազեցնել ռուսական էներգիայի օգտագործումը: Ռուսական ածուխի ներկրման արգելքը ուժի մեջ կլինի օգոստոսից, իսկ նավթի էմբարգոն մեծամասամբ կգործի հաջորդող 8 ամիսների ընթացքում:

Հիշեցնենք, որ Մոսկվան դադարեցրել է գազի մատակարարումը ԵՄ մի քանի երկրներին, այդ թվում՝ խոշոր ներկրողներ Գերմանիային եւ Իտալիային, ինչպես նաեւ ավելի քիչ գնումներ կատարող Լեհաստանին եւ Ֆինլանդիային:

ԵՄ խորհուրդը գազի պահեստավորման կանոններ է ընդունել այն բանից հետո, երբ մարտին այդ մասին առաջարկով հանդես եկավ Եվրահանձնաժողովը։ Կանոնակարգի համաձայն՝ մինչեւ 2023-2024 թթ. ձմեռը ԵՄ-ի տարածքում ստորգետնյա գազի պահեստարանները պետք է 90 տոկոսով լցված լինեն: Որոշ անդամ պետություններ պահեստարաններ չունեն եւ, ըստ կանոնադրության, իրենց տարեկան սպառած գազի 15 տոկոսը պիտի պահեն ԵՄ անդամ այլ պետության պահետարաններում:

Անցյալ շաբաթ Բրյուսելում կայացած գագաթաժողովի ժամանակ պետությունների եւ կառավարությունների ղեկավարները պայմանավորվել են ակտիվացնել Ռուսաստանից գազի մատակարարումների հետագա կրճատման նախապատրաստական ​​աշխատանքները եւ շարունակել այլ մատակարարների որոնումները։ ԵՄ-ն արդեն ավելացրել է մատակարարումներն ԱՄՆ-ից, Նորվեգիայից, Ալժիրից եւ Ադրբեջանից։ Իսկ Կիպրոսի, Մալթայի եւ Իռլանդիայի պարագայում, որոնք ուղղակիորեն կապված չեն մյուս անդամների գազային համակարգին, պարտավորությունները կդադարեցվեն 2025 թվականի դեկտեմբերի վերջին։

Բացի այդ, պայմանավորվածություն է ձեռք բերվել՝ մինչեւ 2030 թվականը վերականգնվող էներգիայի մասնաբաժինը հասցնել 40 տոկոսի՝ նախկին 32-ի փոխարեն`միաժամանակ 9 տոկոսով կրճատելով էներգիայի սպառումը:

Ֆրանսիայի Էներգետիկայի նախարար Անյես Փանիե-Ռունաշեն նշել է, որ այս համաձայնագիրը կօգնի մինչեւ 2050 թվական հասնել կլիմայական չեզոքության ԵՄ տարածքում եւ նվազեցնել կախվածությունը Ռուսաստանից:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եվրոգոտում ռեցեսիայի ռիսկը հասել է 2020թ․ նոյեմբերից ի վեր ամենաբարձր մակարդակին․ Bloomberg
Արտադրության ծավալների կրճատման հավանականությունը երկու եռամսյակ անընդմեջ աճել է մինչեւ 60 տոկոս․․․
Գերմանիան Բրյուսելին խնդրում է ազատել գազի ԱԱՀ վճարումից
Գերմանիայի ֆինանսների նախարար Քրիստիան Լինդները Եվրահանձնաժողովին խնդրել է սահմանափակ ժամկետով վերացնել գազի նոր տուրքի ավելացված արժեքի հարկը...
Եվրոպական բանկը համաձայնել է մշակել Ուկրաինայի տարածքով ռուսական նավթի տարանցման վճարումը
Այս մասին հայտարարել է Slovnaft նավթավերամշակող ընկերությունը՝ վերացնելով անցյալ շաբաթ Կենտրոնական Եվրոպա նավթի մատակարարումը դադարեցնելու պատճառը․․․
ԵՄ-ն «խորապես մտահոգված է» ԱՄՆ-ի կողմից առաջարկվող էլեկտրամոբիլների գնման հարկային արտոնությունների կապակցությամբ
«Մենք դա օտարերկրյա արտադրողների կողմից խտրականություն ենք համարում ԱՄՆ-ից արտադրողների նկատմամբ...
Լեհաստանը գումար կստանա ԵՄ հիմնադրամից բոլոր պայմանները կատարելուց հետո. ԵՀ
Լեհաստանը դրամաշնորհների տեսքով 24 միլիարդ եվրո եւ շատ էժան վարկերի տեսքով 11.5 միլիարդ եվրո ստանալու իրավունք ունի՝ իր տնտեսությունը վերականգնելու համար...
Շոլցը մերժել է ԵՄ որոշ երկրների՝ ՌԴ քաղաքացիներին զբոսաշրջային վիզաների տրամադրումը դադարեցնելու կոչերը
«Սա Պուտինի պատերազմն է...
Ամենաշատ
Ֆոտոռեպորտաժներ