News
Լրահոս
News
Ուրբաթ
Օգոստոս 19
USD
405.79
EUR
412.81
RUB
6.83
Տեսնել լրահոսը

«Յանդեքս» տաքսի ծառայության վարորդները մի քանի օր է՝ բողոքում են ծառայության միջնորդավճարի բարձրացումից: Միջնորդավճարը 16 %-ից դարձել է 18.4 տոկոս:

«Եթե քսան հազար դրամի պատվեր ենք ունենում, յոթ հազարը վճարում ենք իրենց, որից յոթ հազարը իրենց ենք տալիս, մոտ հինգ հազար վառելիքի համար ենք վճարում, եւ կարելի է ասել՝ մեզ ոչինչ չի մնում այդքան պատվերի դիմաց»,- NEWS.am-ի հետ զրույցում նշեց վարորդ Արթուր Զոհրաբյանը:

Վարորդի խոսքով՝ նախօրեին տասնյակ վարորդներ հանդիպել են ընկերության ներկայացուցիչների հետ, սակայն իրենց բավարարող պատասխաններ չեն ստացել: «Մեզ ասացին՝ եթե չեք ուզում, մի վարեք: Բայց մենք պատրաստվում ենք բողոքել մինչեւ վերջ, ավտոերթեր անցկացնել, ինչ-որ պահի անջատել ծրագիրը»,- ասաց վարորդը:

Ծառայության տարածաշրջանային ղեկավար Ավետիս Գասպարյանի խոսքով՝ ծառայության գինն ավելացել է ամբողջ աշխարհում, իսկ իրենք փորձել են բարձրացումն անել հնարավորինս ուշ եւ մինիմալ կերպով՝ համապատասխան Հայաստանի սոցիալ-տնտեսական վիճակին:

«Միջնորդավճարը մեր ծառաթյան միակ աղբյուրն է, այն երկրներում, որտեղ գոյություն ունի «Յանդեքս» ծառայությունը միջնորդավճարը բարձրանում է առավել արագ եւ առավել բարձր տոկոսով՝ մինչդեռ մեր երկիրն այդ երկրների շարքում ամենացածր միջնորդավճար ունեցնող է»,- նշեց Ավետիս Գասպարյանը:

Նրա խոսքով՝ վերջին անգամ սակագնի բարձրացում եղել էր երեք տարի առաջ: Սակագնի բարձրացման շնորհիվ ավելանում են նոր ծառայություններ, բարձրանում է գործողների որակը եւ ապահովվում է համակարգի անխափան աշխատանքը:

«Եթե մենք այս փոփոխությունները չանենք, վարորդներն ավելի շատ կորցնելու են, քան շահելու: Մենք թափանցիկ ընկերություն ենք եւ չենք կարող խոչընդոտել նրանց բողոքի արտահայտումը, հեռացնել ծառայությունից կամ սահմանափակել մուտքը, սակայն նրանք մի խումբ վարորդներ են եւ չեն կարող ներկայացնել բոլոր վերաբերմունքը եւ մտածողությունը: Մենք չունենք սահմանափակում եւ չենք ասում, որ եթե վարորդը որոշում է դուրս գալ «Յանդեքս» համակարգից, ապա չի կարող վերադառնալ կամ միաժամանակ իրավունք չի ունենա այլ համակարգում աշխատելու: Իրավունքն իրենցն է»,- ընդգծեց Ավետիս Գասպարյանը:

Տպել
Կարդացեք նաև
Ամբողջը
Չունեւոր մարդն է այստեղ կանգնում, որ իր ընտանիքը պահի. փողոցային առեւտրով զբաղվողները՝ օրենքի նոր նախագծի մասին
Օրենքի նախագիծ ստեղծողները գիտե՞ն՝ մենք ինչ վիճակում ենք ապրում...
Կասեցվել է Կենտրոնում գտնվող հանրային սննդի օբյեկտի գործունեությունը
հանրային սննդի օբյեկտի գործունեությունը կասեցվել է, սահմանվել է ժամկետ խախտումները վերացնելու համար․․․
2022թ. առաջին կիսամյակում բյուջեի կատարումը շեղվել է պլանից շուրջ 205 մլրդ դրամով․ «Լույս» հիմնադրամ
Ստացվում է, որ ծախսերի իրականացման կարողությունը մնացել է նույն մակարդակում, կառավարությունն այդ ուղղությամբ որեւէ քայլ չի արել․․․
Դոլարի եւ եվրոյի փոխարժեքները նվազել են, ռուբլունը՝ աճել
Եվրոյի փոխարժեքը կազմել է…
«Մուլտի ֆուդ», «Դոլոմիտի», «Դիջիփրոփերթի» ընկերությունները կօգտվեն մաքսատուրքից ազատելու արտոնությունից
Ներդրումային ծրագրի շրջանակում նախատեսում է ստեղծել 55 նոր աշխատատեղ՝ 377 հազ դրամ միջին ամսական աշխատավարձով…
Փաշինյանը պաշտոնից ազատել է Կադաստրի կոմիտեի ղեկավարի տեղակալին
Ղեկավարվելով «Հանրային ծառայության մասին» օրենքի 9-րդ հոդվածի 4-րդ մասով՝ Նարինե Ավագյանին ազատել կադաստրի կոմիտեի ղեկավարի տեղակալի պաշտոնից…
Ֆոտոռեպորտաժներ