Քենիացի քննիչները ձերբակալել են պատգամավորի թեկնածուին այն պատճառով, որ նա ոստիկան էր ներկայացել եւ հեռուստատեսային ծրագրում խոսել էր օրենքի ու կարգի մասին։
Մոնիկա Վամայթա Գիթաուն կալանավորվել է այն բանից հետո, երբ ոստիկանությունը տեղեկացվել է տեղի հեռուստաալիքում նրա ունեցած ելույթի մասին, Թվիթերում գրել է Քրեական հետաքննությունների վարչությունը (DCI)։ «Ներկայում նա օգնում է այն հանցագործության հետաքննությանը, որը կապված է իրեն որպես ոստիկանության աշխատակից ներկայացնելու հետ»։
Միջադեպի մասին ոստիկանական հաշվետվության համաձայն, որին ծանոթացել է AFP-ը, Գիթաուն հայտարարել է, որ 2011թ. գործող սպա է եղել։
2013թ. Քենիան պայքարում է ինքնակոչների դեմ. այդ թվականին ձերբակալվել էր մեկը, որը մեղադրվում էր այն բանում, որ տասը տարի ներկայացել էր որպես անվտանգության ծառայության բարձրաստիճան աշխատակից։
Անբավարար պատրաստված եւ վատ վարձատրվող ոստիկանությունը վատ համբավ ունի արեւելաաֆրիկյան այդ երկրում։
Քենիայի օրենսդրության համաձայն՝ ոստիկանության աշխատակից ներկայանալու համար մեղավոր ճանաչված մարդը կարող է դատապարտվել 10 տարվա բանտարկության, միլիոն քենիական շիլինգ (8 500 ԱՄՆ դոլար) տուգանքի կամ երկուսին միաժամանակ։
