ՌԴ նախագահ Վլադիմիր Պուտինը հայտարարել է ՌԴ վարչապետ Միխայիլ Միշուստինի եւ Պետդումայի նախագահ Վյաչեսլավ Վոլոդինի՝ Ադրբեջան նախատեսված այցերի մասին, հայտնում է «ՌԻԱ Նովոստի»-ն:
«Բոլորովին վերջերս մեր արտգործնախարարը Բաքվում էր։ Շնորհակալություն, որ ժամանակ գտաք նրան ընդունելու համար: Նախապատրաստվում է մեր վարչապետի եւ Պետդումայի նախագահի այցը»,- ասել է Պուտինն Ադրբեջանի նախագահ Իլհամ Ալիեւի հետ հանդիպման ժամանակ։
Հանդիպումը կայացել է Աշխաբադում Կասպյան գագաթաժողովի շրջանակներում։
