News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

Անցած շաբաթվա ընթացքում ջերմաստիճանի ամսական եւ բոլոր ժամանակների ռեկորդներ են գրանցվել առնվազն կես տասնյակ երկրներում՝ Եվրոպայից մինչեւ Ասիա, գրում է Axios-ը:

Ճապոնիան, Իտալիան, Նորվեգիան, Իրանը եւ Ֆինլանդիան միայն վերջին եկրներից են, որտեղ հունիսին ջերմաստիճանի ռեկորդներ են սահմանվել:

Հետազոտությունները ցույց են տալիս, որ կլիմայի տաքացման հետ մեկտեղ կտրուկ աճում են ջերմային ալիքների հաճախականությունը, ինչպես նաեւ այդպիսի երեւույթների սրությունն ու տեւողությունը:

Առանձին ​​ջերմային ալիքների պատճառների հետազոտությունը, ինչպիսին էր անցյալ տարվա հունիսին տեղի ունեցած մահացու ելքը Խաղաղ օվկիանոսի հյուսիս-արեւմուտքում, ցույց է տվել, որ դրանցից մի քանիսը «գրեթե անհնարին» կլինեին առանց մթնոլորտում լրացուցիչ ջերմոցային գազերի:

Էքստրեմալ շոգը մահացու է եւ եղանակի հետ կապված ամենագլխավոր մարդասպանն է համարվում ԱՄՆ-ում սովորական տարվա ընթացքում: Այն կարող է նաեւ էներգահամակարգերի ծանրաբեռնման հանգեցնել, հատկապես՝ այն երկրներում, որոնք տուժում են երաշտից, ինչպես նաեւ պայքարում են համաշխարհային էներգետիկ ճգնաժամի դեմ:

Հռոմը երբեւէ գրանցված ամենաշոգ ջերմաստիճանի ռեկորդ է սահմանել՝ 40 աստիճան։ Ըստ եղանակի պատմաբան Մաքսիմիլիանո Հերերայի՝ Ֆլորենցիան եւ Նեապոլն այս շաբաթ եւս ամսական ռեկորդներ են գրանցել:

Իտալիայում եւս սաստիկ երաշտ է, ինչը ջրի պահպանման միջոցառումներ է  պահանջում որոշ հատվածներում: Ինչպես եւ ԱՄՆ-ի հարավ-արեւմուտքում, երաշտի պատճառով ջերմաստիճանը կարող է սովորականից ավել բարձրանալ:

 

!
Այս նյութը հասանելի է նաև   Русский
Տպել
Ֆոտոռեպորտաժներ