Քանի դեռ կիսամյակի ամփոփումը չկա, ես վաղ եմ համարում անդրադառնալ ընդդիմադիր պատգամավորներին մանդատներից զրկելու հարցին։ Այս մասին այսօր՝ հուլիսի 1-ին, լրագրողների հետ ճեպազրույցի ժամանակ ասաց ԱԺ «Քաղաքացիական պայմանագիր» խմբակցության պատգամավոր Վլադիմիր Վարդանյանը։
Անդրադառնալով նրան, որ ընդդիմությունն ասում է, որ օրակարգային կարևորը հարցը Բերձորի հանձնումն է, իսկ իշխանությունը շրջանցում է այդ հարցը՝ կեղծ օրակարգ առաջ բերելով, պատգամավորը ասաց, որ բացարձակապես չի արձագանքի այդ հայտարարություններին, քանի որ փորձ է կատարվում ցանկացած ոչ իրավափաչ վարքագիծ ծածկել ինչ-որ էմոցիոնալ թեմայով:
Հարցին՝ հիմա օրակարգային հարցը Բերձորի հանձնո՞ւմն է, թե ընդդիմությանը պաշտոններից զրկելըը, Վարդանյանը պատասխանեց․ «Ես չգիտեմ՝ որտեղից եք դուք լսել նման բան և այդ խնդիրը որտեղից է առաջացել։ Ես հիմա չեմ պատրաստվում պատասխանել այդ հարցին։ Ընդհանրապես պետք է զերծ մնալ այնպիսի հարցերի հրապարակային քննարկումից, որոնք կարող ենք վտանգել տարածաշրջանային անվտանգությանը»,- ասաց Վարդանյանը:
