Ինդոնեզիան ուրբաթ առաջարկել է բարձրացնել արմավենու յուղի արտահանման քվոտաները եւ քննարկում է վառելիքային խառնուրդներում կենսադիզելի պարտադիր մակարդակի բարձրացումը՝ ֆերմերների համար գներին աջակցելու նպատակով՝ պայմաններում, երբ արմավենու յուղի ներքին պաշարները բարձր են, հաղորդում է Reuters-ը:
Արմավենու յուղի պաշարներն ավելացել են, իսկ գործարանները սահմանափակել են ֆերմերներից թարմ պտուղների ողկույզների գնումն այն բանից հետո, երբ Ջակարտան երեք շաբաթով՝ մինչեւ մայիսի 23-ը, դադարեցրեց արմավենու հում յուղի եւ որոշ այլ ածանցյալ արտադրանքի արտահանումը՝ փորձելով զսպել խոհարարական յուղի ներքին գները:
Ինդոնեզիան արգելքը փոխարինել է Ներքին շուկայի պարտավորությամբ (DMO)՝ պահանջելով ընկերություններից իրենց արտադրանքի մի մասը յուղի զանգվածային արտադրության կառավարության ծրագրի միջոցով ներքին շուկա մատակարարել, եւ DMO-ի ծավալները կապել է ընկերությունների արտահանման թույլտվությունների եւ քվոտաների հետ: Կառավարության տվյալներով՝ DMO-ի ծավալը հունիսի վերջին մոտ 270 հազար տոննա է կազմել։
Կառավարությունն այժմ թույլ կտա ընկերություններին, որոնք արմավենու յուղ էին վաճառում երկրի ներսում, արտահանել իրենց ներքին վաճառքի յոթնապատիկը, ասել է ավագ նախարար Լուհութ Փանջայտանը:
