Լեհական բանկերը ավելի շատ կհարկվեն, եթե ավանդների համար ավելի բարձր տոկոսադրույքներ չառաջարկեն։ Այս մասին հայտարարել է Լեհաստանի իշխող Իրավունք եւ արդարություն կուսակցության նախագահ Յարոսլավ Կաչինսկին։
Լեհաստանում հիմնական տոկոսադրույքը գտնվում է ամենաբարձր մակարդակի վրա 2008 թվականից ի վեր՝ խթանելով բանկերի շահույթը, բայց կրճատելով տնային տնտեսությունների բյուջեները մի երկրում, որտեղ լողացող տոկոսադրույքով հիփոթեքային վարկերը սովորական են:
«Ես չեմ ուզում բանկիրների փոխարեն որոշել, բայց դա պետք է լինի ամուր տոկոս, ոչ թե ինֆլյացիայի տեմպերով, այլ այնքան, որ մարդիկ զգան, որ այս փողը բանկում գտնվելու դեպքում շատ ավելի քիչ արժեք կկորցնի։ Եթե ոչ, ապա մենք ստիպված կլինենք հարկել այդ եկամուտները, եւ վերջ»,- ասել է Յարոսլավ Կաչինսկին։
Լեհաստանի վարչապետ Մատեուշ Մորավիեցկին նախկինում քննադատել է բանկերին՝ իրենց հաճախորդներին բավարար տոկոսներ չառաջարկելու համար։