Թունիսում Սահմանադրական բարեփոխումների իրականացման կոմիտեի ղեկավար Սադոկ Բելաիդը քննադատել է երկրի նախագահ Քաիս Սայյիդի առաջարկած նախագիծը, հայտնում է Reuters լրատվական գործակալությունը՝ հղում տալով տեղական մամուլին:
Նա նշել է, որ վերոնշյալ տարբերակը նման չէ սահմանադրական հանձնաժողովի առաջարկած նախնական տարբերակին եւ վտանգավոր է, քանի որ առկա որոշ գլուխներ կարող են ամոթալի բռնապետական ռեժիմի համար ճանապարհ հարթել:
Սահմանադրությունը, որը Քաիս Սայյիդին գրեթե բաձարձակ լիազորություններ կտա, հանրաքվեով քվեարկության է դրվելու այս ամիս:
Այս նախագծով թուլանում է խորհրդարանի եւ դատական համակարգի դերը՝ զրոյացնելով 2011 թվականին ի հայտ եկած ժողովրդավարական ձեռքբերումները:
Հիշեցնենք, որ Քաիս Սայյիդն իշխանության եկավ անցյալ տարի՝ տապալելով 2014 թվականին ընդունված Սահմանադրությունը եւ ցրելով խորհրդարանը:
