Նիգերիայի ոստիկանությունն ազատել է առնվազն 77 մարդու, որոնց եկեղեցու նկուղում պահում էին Հիսուս Քրիստոսի երկրորդ գալուստը քարոզող մարդիկ, կիրակի տեղեկացրել են այդ երկրի իշխանությունները, փոխանցել է AP-ը։
Օնդո նահանգում ուրբաթ երեկոյան «Հավատացյալների ամբողջ Աստվածաշունչ» եկեղեցուց փրկված մարդկանց մեջ 23 երեխա կար, որոնց մի մասն ընդամենը 8 տարեկան էր։
Նիգերիայի մայրաքաղաքից 75 կիլոմետր հեռու գտնվող «Հավատացյալների ամբողջ Աստվածաշունչ» եկեղեցու հովիվներն իրենց եկեղեցու հավատավորներին կոչ էին անում «մնալ տանը» եւ սպասել «ցնծության», նշել է Օնդոյի ոստիկանության ներկայացուցիչ Ֆունմիլայո Օդունլամին։
Կրոնական կազմակերպության երկու անդամները կալանավորվել են։
