Կոպենհագենի առեւտրի կենտրոնում հրաձգություն է տեղի ունեցել։ Կան զոհեր եւ վիրավորներ, գրում է ABC News-ը՝ վկայակոչելով ոստիկանության աղբյուրը։
Ենթադրյալ հրաձիգը, որն այժմ կալանքի տակ է, 22-ամյա դանիացի է։
«Մենք գիտենք, որ կան մի քանի զոհեր եւ մի քանի վիրավորներ»,-ասել է ոստիկանության ներկայացուցիչը։ Նա նշել է, որ դեռ պարզ չէ՝ քանի անձ է ներգրավված ահաբեկչությանը։
Նա զոհերի կամ կասկածյալների մասին հավելյալ տեղեկություն չի հաղորդել, ինչպես նաեւ չի նշել զոհերի եւ վիրավորների թիվը։
