Եկատերինբուրգի «Իննոպրոմ» ցուցահանդեսում ներկայացվել է Aurus ավտոմեքենայի ջրածնային տարբերակը, հայտնում է ՏԱՍՍ-ը։
Նշվում է, որ մեքենան համալրված է համակցված էլեկտրասարքով, որում միավորված են քարշարկիչ էլեկտրական շարժիչը եւ էլեկտրաքիմիական գեներատորը՝ ջրածնով։ Մարտկոցի հզորությունը 100 կՎտ/ժ է։ Մինչեւ 100 կմ/ժ արագությունը սեդանը հավաքում է 4 վայրկյանում։ Ընթացքի պահուստը 600 կմ է։
Այս պահին Aurus ջրածնային մեքենայի նմուշներ արտադրվում են միայն տարբեր փորձարկումների համար։
Aurus-ը ռուսական առաջին շքեղ ավտոմեքենաների ապրանքանիշն է, որն իր շարքում ներառում է լիմուզին, սեդան, մինիվեն եւ ամենագնաց:
