News
Լրահոս
News
Երկուշաբթի
Օգոստոս 08
USD
406.61
EUR
414.38
RUB
6.73
Տեսնել լրահոսը

Թուրքական տեքստիլ ընկերությունը Ստամբուլի դատարան պարտքի հայց է ներկայացրել Ադրբեջանի պաշտպանության նախարարության դեմ։ Ընկերությունը պնդում է, որ չի կարողացել վաճառված գործվածքի դիմաց ադրբեջանցի գնորդից ստանալ 157 000 դոլար։

Ինչպես հայտնում է haqqin.az-ը, հղում անելով թուրքական ԶԼՄ-ներին, Ստամբուլի առաջին ատյանի 7-րդ կոմերցիոն դատարանում քննվող պարտքային հայցի կողմեր են հանդիսանում Öztek Tekstil Terbiye Tesisleri San. ve Тic. AŞ-ը եւ Ադրբեջանի պաշտպանության նախարարությունը։

Մեղադրական եզրակացության համաձայն՝ հայցի առիթ հանդիսացող հարցը կապված է 2015 թվականի պայմանագրի հետ, որով Öztek Tekstil Terbiye Tesisleri San. ve տիկ. AŞ-ը 2017 թվականից պաշտպանության նախարարությանը զինվորական համազգեստի գործվածք է մատակարարում, սակայն վաճառված ապրանքի դիմաց գումար չի ստացել։

Այն բանից հետո, երբ պարտքի վճարման շուրջ բանակցություններն արդյունք չեն տվել, թուրքական ընկերությունը դիմել է դատարան։ Քանի որ ադրբեջանական կողմը չի ներկայացրել իր դիրքորոշումը հայցվորի պահանջների վերաբերյալ, դատական նիստը հետաձգվել է մինչեւ նոյեմբերի կեսը։

Թուրքական լրատվամիջոցների փոխանցմամբ՝ Öztek Holding ընկերությունը, որի սեփականատերը Ահմեդ Շեւքի Օզթեքն է, գրեթե 50 տարի գործում է Թուրքիայի տեքստիլ ոլորտում եւ արտադրում է ռազմական նշանակության արտադրանք՝ ապահովելով Թուրքիայի զինված ուժերի կամուֆլյաժների մոտ 60 տոկոսը։

 

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ