News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

Ռուս-ուկրաինական հակամարտության սկզբից պատժամիջոցային պատերազմ սկսվեց Ռուսաստանի եւ Արեւմուտքի միջեւ։ Այս ֆոնին եվրոպական եւ ամերիկյան մի շարք ընկերություններ, այդ թվում՝ համաշխարհային հայտնիություն ունեցող ընկերություններ, մտադրություն հայտնեցին դադարեցնել արտադրությունը Ռուսաստանում կամ ընդհանրապես դուրս գալ ռուսական շուկայից։

Ռուսաստանում գործունեությունը դադարեցնելու մասին հայտարարել էր  Coca-Cola Hellenic Bottle Company-ն։ Ռուսական շուկայից խոշորագույն խաղացողների հեռացումը հնարավորություններ է բացում արտասահմանյան կազմակերպությունների, այդ թվում՝ հայկական կազմակերպությունների համար՝ արտահանման ծավալների ավելացման տեսանկյունից։

Ռուս արտահանողների գնահատմամբ՝ այս տարի ներմուծվող ապրանքների գնման արժեքային ծավալները գերազանցում են նախորդ ցուցանիշները 12,5 միլիոն դոլարով։ Նախորդ տարի ներքին շուկայում գազավորված ըմպելիքների ներմուծման առավելագույն ցուցանիշ էր գրանցվել։

Համարվում է, որ Ռուսաստան գազավորված ոչ ալկոհոլային խմիչքների մատակարարման առաջնորդ է Ավստրիան։ Եռյակում են Շվեյցարիան եւ Վրաստանը։ Ինչ վերաբերում է Հայաստանին, ապա պաշտոնական տվյալներով՝ նախորդ տարի արտահանվել է ավելի քան  8500 տոննա քաղցր գազավորված ըմպելիք եւ հանքային ջուր՝ 5,3 միլիոն դոլարի չափով։

2020 թվականին արտահանումը կազմել է գրեթե 6000 տոննա՝ ավելի քան 3,6 միլիոն դոլար արժողությամբ, իսկ 2019 թվականին՝ 5200 տոննա՝ 3 միլիոն դոլարից մի փոքր ավելի։ 2022 թվականի չորս ամսում Հայաստանից արտահանվել է 1606 տոննա արտադրանք՝ 1 միլիոն դոլարից մի փոքր ավելի արժեքով։ Քաղցր գազավորված ըմպելիքների արտադրության հայկական «Սիփան» ընկերությունը տեւական ժամանակ է, ինչ իր արտադրանքն արտահանում է Ռուսաստան։ Կազմակերպությունը, որի արտադրության աճի տեմպերը գտնվում են 5-20 տոկոս մակարդակի վրա, նախատեսում է ընդլայնել մատակարարումների ծավալը։ «Խնդիրներ է առաջացնում նաեւ Վերին Լարսի անցակետի թողունակությունը»,-ասել է ընկերությունը։

Հիշեցնենք, որ վերջերս ՌԴ կառավարությունը որոշել է բացել մաքսազերծման երկրորդ գոտին, որը, ըստ ՀՀ էկոնոմիկայի նախարարության, պետք է 30 տոկոսով ավելացնի անցակետի թողունակությունը։ «Յունիոն» ՍՊԸ-ն նախատեսում է նաեւ ավելացնել քաղցր գազավորված ըմպելիքների եւ՛ արտադրության, եւ՛ արտահանման ծավալները, այդ թվում՝ դեպի Ռուսաստան։ 3 տարվա ընթացքում ընկերության վաճառքներն աճել են 35-40 տոկոսով, իսկ արտահանման ծավալներն աճել են նույն համամասնությամբ։ ՍՊԸ-ի արտադրանքն արտահանվում է ԱՄՆ, Ռուսաստան, ԱՄԷ։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկնարկել է Սուրեն Պապիկյանի պաշտոնական այցը ՌԴ (ֆոտո)
Պաշտոնական այցով Ռուսաստանի Դաշնությունում գտնվող ՀՀ պաշտպանության նախարար…
Պուտինը ցավակցություն է հայտնել Փաշինյանին՝ «Սուրմալու» ԱԿ-ում բռնկված հրդեհի կապակցությամբ
«Խնդրում եմ զոհվածների ընտանիքներին փոխանցել ամենաանկեղծ կարեկցանքի եւ զորակցության խոսքերը, ինչպես նաեւ շուտափույթ ապաքինման մաղթանքները բոլոր տուժածներին...
ԱԻՆ նախարար Արմեն Փամբուխչյանը գործուղվել է Ռուսաստանի Դաշնություն
Ռուսաստանի Դաշնություն գործուղման արդյունքների մասին հաշվետվությունը ներկայացնել Հայաստանի Հանրապետության վարչապետի աշխատակազմ․․․
«Ժողովուրդ»․ ՀՀ-ՌԴ հարաբերությունների մասին հայտարարությունները կեղծ են եղել. Փաշինյանը խաբել է. մաս 64
Ստացվում է՝ Նիկոլ Փաշինյանի՝ ՀՀ-ՌԴ հարաբերությունների, ինչպես նաեւ Ապրիլյան պատերազմի մասին հայտարարությունները․․․
Պուտինի՝ Հայաստան այցի ժամկետը ճշտվում է. Պեսկով
«Կարծում եմ՝ ոչ: Թեեւ հրավեր, այնտեղ կա...
Երեւանը եւ Մոսկվան քննարկել են իրավիճակը Եվրոպայում, այդ թվում՝ ԵՄ-ի եւ ՆԱՏՕ-ի հետ հարաբերությունները
ՌԴ փոխարտգործնախարար Ալեքսանդր Գրուշկոն Երեւանում խորհրդակցություններ է անցկացրել ՀՀ փոխարտգործնախարարներ Պարույր Հովհաննիսյանի եւ Վահե Գեւորգյանի հետ տարածաշրջանային եւ եվրոպական անվտանգության հարցերի շուրջ...
Ամենաշատ
Ֆոտոռեպորտաժներ