News
Լրահոս
News
Ուրբաթ
Օգոստոս 12
USD
406.09
EUR
419.78
RUB
6.7
Տեսնել լրահոսը

Մեքսիկայի նախագահ Անդրես Մանուել Լոպես Օբրադորն ասել է, որ Նյու Յորքի Ազատության արձանի ապամոնտաժման կոչ կանի, եթե WikiLeaks-ի հիմնադիր Ջուլիան Ասանժին արտահանձնեն եւ դատապարտեն ԱՄՆ-ում, տեղեկացրել է «ՌԻԱ Նովոստի»-ն։

«Եթե նրան Միացյալ Նահանգներ տանեն եւ դատապարտեն առավելագույն ժամկետի ու մահվան բանտում, մենք պետք է քարոզչություն սկսենք ֆրանսիացիների նվիրած Ազատության արձանն ապամոնտաժելու համար, որը գտնվում է Նյու Յորքում, որովհետեւ այն այլեւս ազատության խորհրդանիշը չի լինի»,- ասել է նա Ազգային պալատում տեղի ունեցած մամուլի ասուլիսում։

Քաղաքական գործիչն ավելացրել է, որ պատրաստվում է հարցը քննարկել Միացյալ Նահանգների նախագահ Ջոզեֆ Բայդենի հետ բանակցություններում՝ հիշեցնելով, որ ավելի վաղ ներման խնդրանքով դիմել էր Դոնալդ Թրամփին։

Հունիսի 17-ին Բրիտանիայի ՆԳՆ ղեկավար Փրիթի Փատելը որոշում էր կայացրել ԱՄՆ-ին արտահանձնել WikiLeaks-ի հիմնադիր Ջուլիան Ասանժին։ Դատարանը գտել էր, որ արտահանձնումը ռեպրեսիվ եւ անարդար միջոց չէ։ Հուլիսի 1-ին Ասանժը բողոքարկել է Մեծ Բրիտանիայից արտահանձնման որոշումը։

Ասանժը հանրահայտ դարձավ տարբեր պետությունների, այդ թվում ԱՄՆ-ի կառավարությունների գաղտնի նյութերի հրապարակման հետ կապված։ Նահանգներում նրան սպառնում է 175 տարվա ազատազրկում՝ գաղտնի տեղեկությունների հրապարակման համար։

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ