News
Լրահոս
News
Կիրակի
Օգոստոս 14
USD
405.91
EUR
417.56
RUB
6.66
Տեսնել լրահոսը


Մեզ ասում են՝ դուք փախստական չեք, եւ ես կարող եմ ասել՝ որն է պատճառը: Այս մասին այսօր` հուլիսի 5-ին, կառավարության մոտ բողոքի ակցիայի ժամանակ ասաց «Հանուն Հադրութի» ՀԿ նախագահ Լևոն Հայրյանը:

«Ռուսաստանն իր վրա մեծ գործ է վերցրել, որ կարող է Ադրբեջանի հետ ցեղասպանություն իրագործելով քշել Արցախի ժողովրդին, անունն էլ դնել, որ ինքը փրկել է հայ ժողովրդին, հետո էլ հայտարարել, թե այնտեղ բոլոր հարցերը լուծել է, պրոբլեմ չկա, փախստական չկա: Մեր իշխանություններն էլ քանի որ ամեն ինչով ենթակա են ռուսական իշխանություններին, չեն ուզում ասել, որ մենք փախստական ենք: Հայաստանի եւ Արցախի ղեկավարները միջազգային հանդիպումների ժամանակ ասում են, որ փախստականներիխնդիր ունենք, բայց մեզ ասում են՝ դուք փախստական չեք: Մեր հանդեպ վերաբերմունքից մենք հասկանում ենք, որ պետական մտածողություն չկա, պետականության հոգսը քաշող չկա»,-ասաց նա:

Հայրյանը նշեց, որ հիմա իրենց ամսական 20 հազար դրամ են տալիս, այն էլ ոչ բոլորն են ստացել, հիմա բանակցությունների արդյունքում, խոսք են տվել, որ հուլիսի 1-ից յուրաքանչյուրին 40 հազար դրամ են տալու, ինչը երեւի թե «ոսկե միջինն» է:

Նա նաեւ նշեց, որ իրենց ասում են, որ Արցախում տուն են տալու. «Եվ դա այն դեպքում, երբ իրենց սիրած Ռուսաստանի ցարը հայտարարում է, որ Արցախի Հանրապետություն չկա, դա Ադրբեջան է: Էնտեղ թափով տներ են կառուցում, ում համար են կառուցում՝ չգիտես: Բայց եթե այսպես քաղաքականությունը զարգանա, ապա ոչ թե էստեղի ժողովրդին պետք է տեղափոխենք Արցախ, այլ մտածենք էնտեղի ժողովրդին բերելու մասին, որովհետեւ ցեղասպանության մսացու են: Ալիեւն ասում է՝ դա Ադրբեջան է, Պուտինն ասում է՝ Ադրբեջան է, Նիկոլն ու Արայիկը չեն ժխտում: Ընդհակառակը, ասում են՝ մեր միջազգային գործընկերները հայտարարել են, որ նշաձողն իջեցրեք, Բերձորը հանձնում են, Արցախը համարում են Ադրբեջան: Բնակարաններն ում համար են կառուցում՝ չես հասկանում: մեզ տուն պետք չի, մեզ պետություն է պետք: Երկու տարի առաջ մենք տուն ունեինք, բայց բանակ չունեինք այդ տները պահելու համար: Թող պետություն ու բանակ կառուցեն, ժողովուրդն էլ մի ձեւ կտեղավորվի»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բեռլինում տեղի կունենա հանրահավաք` Բերձորում եւ Աղավնոյում էթնիկ զտումները դադարեցնելու պահանջով
Օգոստոսի 15-ին, երկուշաբթի, ժամը 12-ին, Բեռլինի Բրանդենբուրգյան դարպասների մոտ ...
Բերձորից դեռ բնակիչները դուրս չեն եկել, միայն հավաքել են իրերը. Քաղաքապետ
Քաղաքապետը նշեց, որ քաղաքից տարհանվում են նաեւ մշակութային կոթողները, իսկ եկեղեցու վրայի խաչքարերը հանվել են այն նկաատառումներից ելնելով, որ հետագայում չպղծվեն ադրբեջանցիների կողմից...
Տնազուրկ հայը նորից զգաց ոչ այնքան թշնամու, որքան սեփական իշխանության դաժան հարվածի ծանրությունը. Հասրաթյան
Մանկամտություն է հույս դնել այն իշխանության վրա, որը պետական մակարդակով նախաձեռնելով Բերձորի կամ Աղավնոյի հանձնումը, նույն «հետևողականությամբ» անընդունակ եղավ...
Պարբերաբար հրահրվող սադրիչ գործողություններն ուղղված են Արցախը հայաթափելուն. Արայիկ Հարությունյան
Պետք է զինվել ամուր համբերությամբ և չշեղվել Արցախի անկախության ուղուց...
Ադրբեջանը հերթական ապատեղեկատվությունն է տարածել. Արցախի ՊԲ
Իբր ՊԲ ստորաբաժանումները խախտել են հրադադարի պահպանման ռեժիմը, հերթական ապատեղեկատվությունն է և չի համապատասխանում իրականությանը...
Բերձոր, Աղավնո և Սուս բնակավայրերից մշակութային կոթողների տարհանումը կավարտվի հաջորդ շաբաթ. Արցախի ԿԳՄՍ փոխնախարար
Հիմա տարհանված է Բերձորի քաղաքային գրադարանը` գրքային ֆոնդը, Ներքին Սուսի….
Ֆոտոռեպորտաժներ