Մրջյուն-հավաքարարները, որոնք ապրում են ստորգետնյա փոսերում եւ օգտագործում են ապարների բեկորներ՝ բլրակներ ստեղծելու համար, օգնել են գիտնականներին անհետացած կաթնասունների տասնյակ տեսակներ հայտնաբերել: Այս մասին հայտնել են Ռոչեսթերի ողնաշարավորների պալեոնթոլոգիայի ինստիտուտի աշխատակիցները։
Այս միջատներն իրենց շինարարական աշխատանքների համար երբեմն օգտագործում են ոչ միայն քարերի բեկորներ, այլեւ հնագույն բրածոներ։ Նման արտեֆակտները բավական շատ են Նեբրասկայում, Հարավային Դակոտայում եւ Վայոմինգում, որտեղ ապրում են մրջյուն-հավաքարարները։
2015 թվականին Սիու շրջանում բրածոներ հավաքող հետազոտողներից մեկը մրջնաբույնում հայտնաբերել է մարդու քարացած ծնոտներ եւ առանձին ատամներ: Նա գտածոները հանձնել է պրոֆեսիոնալ պալեոնթոլոգ Քլինթ Բոյդին, որը որոշել է կենտրոնանալ մրջնանոցների ուսումնասիրության վրա։ Վերջին յոթ տարիների ընթացքում գիտնականը նույնականացրել է ավելի քան 6000 հայտնաբերված նմուշներ՝ հայտնաբերելով հնագույն կաթնասունների տասնյակ տեսակներ:
Հայտնաբերված տեսակների շարքում, օրինակ, այժմ գոյություն ունեցող սկյուռիկների եւ անհետացած Eomyidae խմբի կրծող կուղբերի ազգականներն են, ինչպես նաեւ այլ զարմանալի արարածներ: Գիտնականները հույս ունեն շարունակել իրենց աշխատանքը՝ մրջնանոցներում հնագույն կաթնասունների մնացորդներ գտնելու ուղղությամբ:
