News
Լրահոս
News
Ուրբաթ
Օգոստոս 19
USD
405.79
EUR
412.81
RUB
6.83
Տեսնել լրահոսը


Այստեղ նստող անձը ոչ թե ՀՀ նախագահն է, այլ ՔՊ խմբակի կողմից ընտրված, կամ ավելի ճիշտ՝ Նիկոլի կողմից նշանակված խամաճիկը: Այս մասին, այսօր՝ հուլիսի 5-ին, «ԴԻմադրության» շարժման բողոքի ակցիայի ժամանակ ՀՀ նախագահի նստավայրի դիմաց հայտարարեց «Հայաստան» խմբակցության պատգամավոր Աննա Գրիգորյանը ՀՀ նախագահի նստավայրի դիմաց՝ հիշեցնելով, որ Սահմանադրության պահպանմանը հետևող թիվ մեկ պաշտոնյան ՀՀ նախագահն է:

Ընդդիմադիր պատգամավորի խոսքով՝ Վահագն Խաչատուրյանն այդ պաշտոնին է գործուղվել, ոչ թե Սահմանադրությունը, այլ ՔՊ շահերը պաշտպանելու համար:

«Նրա հիմնական առաքելությունն այստեղ ամեն բան տեսնելը և ամեն ինչի մասին լռելն է: Նա լռում է, երբ խախտվում է ՀՀ տարածքային ամբողջականությունը, երբ ՀՀ սուվերեն տարածքից առևանգվում է հայ զինծառայող: Այստեղ նստած անձը ստորագրում և դակում է ցանկացած օրենք որը գալիս է ԱԺ-ից և  բայց ծպտում չի հանում, երբ հրապարակվում է Գագիկ Ջհանգիրյանի մասնակցությամբ ձայնագրությունը, որն ուղղակի շանտաժի մասին էր, երբ ասում էր՝ կա՛մ գնա, կա՛մ գործ ենք կարելու:

Այստեղ նստող մարդը պետք է Սահմանադրության ոգին ու տառը պահպաներ, բայց կրկին լռում է, երբ քաղաքական ճգնաժամ կա, հետապնվում է ժողովուրդը, ցանկացած մեկը, որն այլախոհ է»,-ասաց պատգամավորը և ցույց տվեց քաղբանտարկյալների նկարենրը:

Աննա Գրիգորյանի կարծիքվ՝ խորհրդարանական երկրում  նախագահական ինստիտուտն անարգվել  և հիշեց, որ նախկին նախագահը՝ Արմեն Սարգսյանը հրաժարական է ներկայացնում մեկ այլ երկրի տարածքից:

«Այստեղ նստողը հրաժարական չի տվել, բայց միևնույնն է՝ նա չկա: Նրա փոխարեն ցանկացած մեկը լիներ՝ նույն բանն էր լինելու, կամ առհասաևակ, եթե նրա աթոռը թափուր լիներ, դրանից որևէ բան չէր փոխվելու, որովհետև նա ունի 0 գործառույթ, որը վերաբերում է երկրի շահերին»,-հայտարարեց պատգամավորր և շեշտեց, որ չնայած այդ ամենին իրենք  ժողովրդի հետ վերկանգնելու են Սահմանադրության տառն ու ոգին:

!
Այս նյութը հասանելի է նաև   Русский
Տպել
Ֆոտոռեպորտաժներ