ԱԺ-ի ղեկավար պաշտոններից ընդդիմադիր պատգամավորներին հեռացնելու հետ կապված Սահմանադրական դատարան դիմելու վերաբերյալ քննարկումներ որպես այդպիսին չեն եղել։ Այս մասին Սահմանադրության շուրջ քննարկման ժամանակ ասաց իրավաբան, սահմանադրական իրավունքի փորձագետ, «Հայաստան» խմբակցության պատգամավոր Արամ Վարդեւանյանը։
«Ներկայիս գումարման խորհրդարանի ընդդիմադիր պատգամավորների կողմից Սահմանադրական դատարան այնքան դիմումներ են եղել, ես ինքս դրանց մեծ մասի ներկայացուցիչն եմ եղել։ Ասեմ իմ կարծիքը։ Քրեական օրենսգրքի ծանր վիրավորանքի հոդվածի սահմանադրականության մասին ՍԴ որոշումից հետո ՍԴ մակարդակը կտրուկ իջավ, դա մի տեսակ ջրբաժան դարձավ։ Դրա համար ես Սահմանադրական դատարան դիմելու իմաստ չեմ տեսնում»,- նշեց Վարդեւանյանը։
Ինչպես ավելի վաղ տեղեկացրել էինք, իշխող «Քաղաքացիական պայմանագիր» կուսակցության խորհրդարանական խմբակցությունը նախաձեռնել էր պաշտոնից ԱԺ փոխնախագահ Իշխան Սաղաթելյանի եւ տնտեսական հարցերի մշտական խորհրդարանական հանձնաժողովի նախագահ Վահե Հակոբյանի ազատումը։
