News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

ՕՊԵԿ-ի գլխավոր քարտուղար Մոհամմադ Բարկինդոն ասել է, որ տարիներ շարունակ անբավարար ներդրումների հետեւանքով նավթի եւ գազի արդյունաբերությունը «շրջափակման մեջ է» հայտնվել եւ նշել, որ մատակարարումների անբավարարվածությունը հնարավոր է հաղթահարել, եթե թույլատրվենլրացուցիչ մատակարարումներ Իրանի Իսլամական Հանրապետությունից եւ Վենեսուելայից, հաղորդում է Reuters լրատվական գործակալությունը:

«Մենք կարող ենք ազատել ռեսուրսներն ու հզորացնել կարողությունները, եթե Իրանի Իսլամական Հանրապետությունում եւ Վենեսուելայում արդյունահանվող նավթը թույլ տան շուկա վերադարձնել», - ասել է Բարկինդոն Նիգերիայի մայրաքաղաքում կայացած էներգետիկ կոնֆերանսի ընթացքում:

Հակառակ գլոբալ տաքացումը դանդաղեցնելու ցանկությանը՝նավթի պահանջարկն աճում է, ի հակադրություններդրումների նվազման:

Բարկինդոյի կանխատեսումների համաձայն՝ աշխարհում նավթի առաջնային պահանջարկը կաճի մինչեւ 2045 թվականը, մինչդեռ Տնտեսական համագործակցության եւ զարգացման կազմակերպության երկրներում վերամշակող հզորությունները 2021 թվականին կնվազեն 3,3 տոկոսով։

«Այս պահին մեր արդյունաբերությունը բախվում է հսկայական մարտահրավերների բազմաթիվ ճակատներում: Եվ դա սպառնում է մեր ներդրումային ներուժին այժմ ու երկարաժամկետ հեռանկարում: Կոպիտ ասած, իմ սիրելի ընկերներ, նավթագազային արդյունաբերությունը շրջափակման մեջ է»,- ասել է ՕՊԵԿ-ի գլխավոր քարտուղարը՝ վկայակոչելով Եվրոպայում առկա աշխարհաքաղաքական զարգացումները:

«Ուկրաինայում շարունակվող պատերազմը, COVID-19 համաճարակը, որը դեռ մեզ հետ է, եւ ամբողջ աշխարհում առկա գնաճը, միաձուլվել են կատարյալ փոթորկի մեջ, որը զգալի անկայունություն եւ անորոշություն է առաջացնում ընդհանրապես ապրանքային շուկաներում։ Ամենակարեւորը՝ էներգետիկ աշխարհում»,- եզրափակել է նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Գերմանիայում էլեկտրաէներգիայի վարձերը կբարձրանան տարեկան եւս 480 եվրոյով՝ գազի համար հավելավճարի պատճառով
Գնաճը Գերմանիայում արդեն 8,5 տոկոս է կազմում, իսկ տնային տնտեսությունների համար էլեկտրաէներգիայի վարձավճարների ավելացումը կհանգեցնի կյանքի արժեքի հետագա աճի․․․
ԱՄՆ-ում նավթի եւ գազի հորատման ավելի քիչ սարքավորումներ կան. ԶԼՄ-ներ
Նավթի հորատման սարքավորումների թիվը հաշվետու շաբաթում ավելացել է 3 միավորով՝ հասնելով 601 միավորի, իսկ գազի հորատման սարքավորումների թիվը նվազել է 1 միավորով՝ մինչեւ 160 միավոր...
Ռուսաստանում նավթի արդյունահանումը նվազել է
Այնուամենայնիվ, խոշոր նավթային ընկերությունները կայուն մակարդակի վրա են պահում արդյունահանումը՝ ՕՊԵԿ+ գործարքով ստանձնած պարտավորությունների պատճառով...
Նավթի գներն ընկնում են
Brent նավթի հոկտեմբերյան ֆյուչերսների գինը նվազել է 1.12 տոկոսով՝ մինչեւ 97.05 դոլար բարելի դիմաց...
Շվեյցարիան կարող է միանալ ԵՄ էներգախնայողության նախաձեռնությանը
Շվեյցարիան կարող է կանխել էներգակիրների պակասը՝ կյանքի կոչելով Եվրամիության ծրագիրը՝ այս ձմռանը 15 տոկոսով կրճատելով գազի սպառումը...
Գերմանիայի էներգետիկ ոլորտի հաստատությունների վրա հարձակումները չեն բացառվում
Եվրոպա ռուսական էներգակիրների մատակարարումների շուրջ շարունակվող հակամարտության եւ Գերմանիայում առաջիկա ջեռուցման ամիսների հետ կապված աճող մտավախությունների համատեքստում՝ չեն բացառվում հարձակումները էներգետիկ ոլորտի հաստատությունների վրա...
Ամենաշատ
Ֆոտոռեպորտաժներ