News
Լրահոս
News
Ուրբաթ
Օգոստոս 12
USD
406.09
EUR
419.78
RUB
6.7
Տեսնել լրահոսը

Սաուդյան Արաբիան եւ Արաբական Միացյալ Էմիրությունները միլիարդավոր դոլարներով ավելացնում են հասարակական բարեկեցության ծախսերը՝ փորձելով պաշտպանել իրենց քաղաքացիներին կյանքի ծախսերի աճից, հայտնում է Reuters լրատվական գործակալությունը:

ԱՄԷ-ն կրկնապատկում է էմիրությունների ցածր եկամուտ ունեցող ընտանիքներին տրամադրվող ֆինանսական աջակցությունը՝ հասցնելով 7,6 միլիարդ դոլարի՝ օգնելու նրանց հաղթահարել աճող գնաճը, մինչդեռ Սաուդյան Արաբիայի թագավոր Սալման Բն Աբդուլ Ազիզ ալՍաուդը՝ 5,33 միլիարդ դոլարի: Թագավորությունը կվերաբացի ֆինանսական օգնության ծրագրի գրանցումը, որը հայտնի է որպես Քաղաքացիների հաշիվ, եւ մինչեւ տարեվերջ դրան կտրամադրի լրացուցիչ ֆինանսավորում:

ԱՄԷ-ում կավելացվեն առկա նպաստները եւ կստեղծվեն նորերը՝ ուղղված սննդամթերքի գնաճի ազդեցությունը մեղմելուն, ինչպես նաեւ տնային տնտեսությունների համար վառելիքի եւ էներգիայի ծախսերի աճին: Որոշ նոր արտոնություններ ներառում են ֆինանսական աջակցություն համալսարանների ուսանողներին ու 45 տարեկանից բարձր գործազուրկ անձանց:

Capital Economics ամսագրի հետազոտող Ջեյմս Սուանսթոնն ասել է, որ ծախսերի աճը համարժեք է Սաուդյան Արաբիայի ՀՆԱ-ի 0,6 եւ ԱՄԷ ՀՆԱ-ի 1,8 տոկոսին:

«Պետք է խոստովանել, որ երկու երկրներում էլ ընդհանուր գնաճն այնքան արագ չէ, որքան աշխարհի մյուս մասերում, սակայն, այնուամենայնիվ, աճ գրանցվել է», - ասել է նա եւ հավելել, որ ընդհանուր ազդեցությունը պետական ֆինանսների վրա համեմատաբար փոքր կլինի ու ակնկալվում է, որ երկու պետություններն էլ կշարունակեն բյուջեի ավելցուկ ունենալ:

!
Այս նյութը հասանելի է նաև   English and Русский
Տպել
Ֆոտոռեպորտաժներ