News
Լրահոս
News
Չորեքշաբթի
Օգոստոս 17
USD
405.96
EUR
412.94
RUB
6.7
Տեսնել լրահոսը

Ավստրիայի իշխանությունները հորդորում են արդյունաբերությանն ու կոմունալ ձեռնարկություններին հնարավորության դեպքում օգտագործել բնակայ գազի այլընտրանքներ, քանի որ Ռուսաստանից մատակարարումների հնարավոր դադարեցմամբ պայմանավորված երկիրը փորձում է գազ կուտակել, հայտնում է Reuters լրատվական գործակալությունը:

Ավստրիան իր բնական գազի 80 տոկոսը ստանում է Ռուսաստանից, սակայն էլեկտրաէներգիայի մեծ մասը ստանում է հիդրոէլեկտրակայաններից, իսկ էլեկտրակայանները համեմատաբար քիչ գազ են օգտագործում։ Այնուամենայնիվ, գազը կարեւոր դեր է խաղում այնպիսի ոլորտներում, ինչպիսիք են պողպատի ու թղթի արտադրությունն ու ջեռուցումը:

Ավստրիան փնտրում է գազի այլընտրանքային աղբյուրներ՝ շտապելով լիցքավորել գազի պահեստը մինչեւ աշնանը ջեռուցման սեզոնի սկսվելը։

«Էլեկտրակայաններին եւ արդյունաբերությանը հանձնարարվելու է արդիականացնել իրենց համակարգերը՝ երկակի ռեժիմով աշխատելու համար այնքանով, որքանով դա հնարավոր է տեխնիկապես եւ տնտեսապես: Սա նշանակում է, որ կայանները կարող են աշխատել ինչպես բնական գազով, այնպես էլ էներգիայի այլ աղբյուրներով. շատ դեպքերում դա կլինի հում նավթ»,- ասել է էներգետիկայի նախարար Լեոնորա Գեւեսլերը։

Նախագիծը, որը պետք է հաստատի Ավստրիայի խորհրդարանի ստորին պալատի գլխավոր հանձնաժողովը, ուղղված է գազի խոշոր սպառողներին, ասել է Գեւեսլերը՝ հավելելով, որ ամենամեծ ներուժը կենտրոնացված ջեռուցումն է, որը ենթադրում է տաք ջուր մղել ջեռուցման կայանից սպառող շենքեր։

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ