Նախագահ Վլադիմիր Պուտինը հրամանագիր է ստորագրել «Ռեզիդենտների՝ արտաքին տնտեսական գործունեության մասնակիցների արտարժույթի եւ Ռուսաստանի Դաշնության արժույթի հայրենադարձության մասին», հայտնում է РБК-ն։ Այն պարունակում է մի քանի դրույթներ՝
• Ներդրումների վերահսկողության կառավարական հանձնաժողովը իրավասու կլինի արգելել ռեզիդենտների կողմից միջոցների փոխանցումը Ռուսաստանից դուրս բացված հաշիվներին։
• Արգելվում է արտարժույթով վճարումներ կատարել ոչ ռեզիդենտ բաժնետերերին ռուսական ԲԲԸ-ների շահաբաժինների դիմաց։
• Եվրապարտատոմսերի ռուսաստանյան թողարկողներն իրավունք ունեն այդ պարտքը փոխարինել ռուսական պարտատոմսերով կամ նմանատիպ ռուսական պարտատոմսերի տեղաբաշխումից ստացված կանխիկ միջոցներով։
• Սինդիկացված վարկերի դեպքում, որտեղ պարտատերերը եղել են եւ՛ օտարերկրյա, եւ՛ ռուսական բանկերը, պարտապանները պարտավոր են միջոցները փոխանցել օրիգինալ արժույթով ռուսական վարկատուների ֆոնդին՝ շրջանցելով օտարերկրացիների հանդեպ ունեցած պարտավորությունները:
