News
Լրահոս
News
Շաբաթ
Օգոստոս 20
USD
405.15
EUR
407.5
RUB
6.87
Տեսնել լրահոսը

Մեծ Բրիտանիայի վարչապետ Բորիս Ջոնսոնը մեծ հարված ստացավ, երբ նրա երկու բարձրաստիճան նախարարները հայտարարեցին իրենց հրաժարականի մասին՝ ասելով, որ այլեւս չեն կարող ծառայել սկանդալներով պատված կառավարությունում:

Գանձապետարանի ղեկավար Ռիշի Սունակն ու Առողջապահության նախարար Սաջիդ Ջավիդը երեքշաբթի երեկոյան միմյանցից մի քանի րոպե տարբերությամբ հայտարարել են իրենց հրաժարականի մասին:

«Հասարակությունն իրավացիորեն ակնկալում է, որ կառավարությունն իրեն պատշաճ, գրագետ եւ լուրջ կպահի: Ես հասկանում եմ, որ սա կարող է լինել իմ վերջին նախարարական աշխատանքը, սակայն կարծում եմ, որ այս չափանիշների համար արժե պայքարել, եւ այդ պատճառով ես հրաժարական եմ տալիս։ Նախապատրաստվելով հաջորդ շաբաթ տնտեսագիտության վերաբերյալ մեր առաջարկած համատեղ շնորհանդեսին, ինձ համար պարզ դարձավ, որ մեր մոտեցումները սկզբունքորեն չափազանց տարբեր են: Ես տխուր եմ կառավարությունից դուրս գալու համար, սակայն ակամա եկել եմ այն ​​եզրակացության, որ մենք չենք կարող շարունակել նույն ոգով», - իր թվիթերյան միկրոբլոգում գրել է Սունակը:

Առողջապահության նախարարն էլ, իր հերթին, գրել է, որ այլեւս չի կարող հանգիստ խղճով շարունակել աշխատել եւ հավելել, որ անցյալ ամիս վարչապետին վստահության քվե հայտնելը խոնարհության եւ նոր ուղղության պահ էր։

«Սակայն, ցավով պետք է նշեմ, որ ինձ համար պարզ է, որ ձեր ղեկավարությամբ այս իրավիճակը չի փոխվի, եւ հետեւաբար դուք նույնպես կորցրել եք իմ վստահությունը», - գրել է Ջավիդը:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ