News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

Twitter-ը դատական հայց է ներկայացրել Հնդկաստանի կառավարության դեմ՝ մերժելով իր հարթակի բովանդակության գրաքննության մասին հրամանները:

Կառավարության դեմ Կարնատակա նահանգի Բարձր դատարան ներկայացված հայցում Twitter Inc.-ը նշվում է որպես հայցվոր:

Սոցցանցերի հսկայի դատական հայցը ենթադրում է պաշտոնյաների կողմից լիազորությունների չարաշահում:

Հնդկաստանի տեղեկատվության եւ տեխնոլոգիաների նախարարությունը սոցիալական ցանցի հարթակին խնդրել է հեռացնել մի քանի հաշիվներ եւ թվիթներ, որոնք չեն համապատասխանում նոր օրենքներին, որոնք թույլ են տալիս կառավարությանը արգելափակել բովանդակության հասանելիությունը՝ ելնելով ազգային անվտանգության շահերից:

Վերջերս կառավարությունը ամերիկյան ընկերությունից պահանջել է հեռացնել հնդիկ լրագրողուհի Ռանա Այուբի թվիթները, որոնք քննադատում են Հնդկաստանի վարչապետ Նարենդրա Մոդիին եւ նրա կառավարությանը։

Twitter-ը նաեւ ծանուցում է ուղարկել հնդիկ լրագրող Մոհամմեդ Զուբաիրին, որը վերջերս ձերբակալվել էր իր թվիթների համար, եւ հայտնել է, որ Հնդկաստանի կառավարությունը ծանուցում է ուղարկել, որ նրա հաշիվը խախտում է երկրի օրենքները։

Մոդիի կառավարության հակառակորդները նրա վարչակազմին մեղադրում են այլախոհությունն ու քննադատությունը խեղդելու համար հնդկական օրենքներն օգտագործելու մեջ:

Տեղեկատվական տեխնոլոգիաների նախարար Աշվինի Վայշնոուն հայտարարել է, որ կարեւոր է սոցիալական ցանցերի ընկերություններին «պատասխանատվության ենթարկել», եւ նրանք պետք է «ինքնակարգավորեն վնասակար» բովանդակությունը:

Նախարարը հավելել է, որ «լինի դա որեւէ ընկերություն որեւէ ոլորտում, նա պետք է պահպանի Հնդկաստանի օրենքները: Յուրաքանչյուրը պարտավոր է ենթարկվել խորհրդարանի ընդունած օրենքներին»։

Անցյալ տարի Twitter-ը Մոդիի վարչակազմի հրահանգով արգելափակել էր ավելի քան 500 հաշիվ, բայց ի վերջո վերականգնել է դրանք հանրային բողոքից հետո:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Telegram Premium-ի օգտատերերը կարող են սահմանափակել հաղորդագրությունները
Telegram Premium-ի օգտատերերն այժմ հնարավորություն ունեն արգելափակել մուտքային ձայնային կամ տեսահաղորդագրությունները, հայտնել են ընկերությունից...
Համացանցում են հայտնվել iPad 10-ի առաջին լուսանկարները
Համացանցում են հայտնվել iPad 10-ի առաջին լուսանկարները, գրում է չինական MyDrivers կայքը եւ նշում, որ պատկերները ստեղծվել են Apple-ի նախկինում արտահոսած գծագրերի հիման վրա...
YouTube-ը նոր Channel Store գործառույթ կթողարկի
YouTube-ը շուտով Channel Store նոր գործառույթ կունենա, որի համաձայն կվաճառի տարբեր հոսքային ծառայություններ, ինչպիսին Netflix-ն է...
Zoom-ը չի կարողանում շտկել MacOS համակարգերում իր խոցելիության հարցը
Zoom հավելվածը, ավելի քան 6 ամիս է, չի կարողանում շտկել MacOS համակարգերում իր խոցելիության հարցը, գրում է The Verge կայքը եւ հավելում, որ խոցելիությունը հայտնաբերվել է 2021 թվականի վերջին...
Samsung-ը մտածում է մոնոբլոկ սմարթֆոններից հրաժարվելու մասին
Նշվում է, որ որոշումն ընդունվել է պրեմիում դասի սարքերի սեգմենտի աճի տեմպերի դանդաղմանն ու աշխարհում մակրոտնտեսական անկայունությանն ի պատասխան...
ՌԴ-ում ստեղծվել է մարտական ռոբոտ ամենավտանգավոր ուղղություններում գործողությունների համար
Մարտական ռոբոտն ստեղծվել է ՀՄՄ-3-ի հիման վրա...
Ամենաշատ
Ֆոտոռեպորտաժներ