Վարչապետը ասում է՝ քաշաթաղցիների հարցերը լուծել եմ. նման բան չկա, նրանք էլ մեզ պես ապրում են: Այս մասին այսօր` հուլիսի 5-ին, կառավարության մոտ բողոքի ակցիայի ժամանակ ասաց Հադրութից տեղահանված մեկը` Արթուր Ստեփանյանը:
Նրա խոսքով՝ փոխահատուցումներ եղել են, բայց ոչ մեծ գումարի տեսքով:
«Մի քանի օր է, ինչ այստեղ մեր բողոքն ենք հայտնում, բայց մինչև օրս որևէ պաշտոնական կառույցի ներկայացուցիչ մեզ չի հարցրել, թե ի՞նչ խնդրով ենք այստեղ, չեն հարցրել՝ ո՞րն է մեր պահանջը: Երկու տարի է, ինչ այստեղ ենք, բայց ոչ ոք չի մոտեցել, ասել՝ որտեղի՞ց եք, ի՞նչ խնդիրներ ունեք:
Փաշինյանը հայտարարել է, թե Կառավարությունը բյուջեն կրկնապատկել է, արցախցիների կոմունալ ծախսերը փակել է: Բայց ես որպես արցախցի ասում եմ՝ իմ կոմունալ ծախսերը ես եմ տվել: Փոխահատուցումներ եղել են, բայց ոչ մեծ գումարի տեսքով: Ինձ էլ փոխհատուցել են, քանի որ խանութ եմ ունեցել, այնտեղ գույք է եղել, գույքը գնահատել են: Վերջին աջակցությունը եղել է հունվար-փետրվար ամիսներին: Մոտավորապես 9000 բնակարանի պահանջ կա, բայց իրենք կառուցում են մոտավորապես դրա կեսից էլ քիչ բնակարաններ: Վարչապետը ասում է՝ քաշաթաղցիների հարցերը լուծել եմ.նման բան չկա, նրանք էլ մեզ պես ապրում են: Մեզ ասում են, որ գնանք Արցախում ապրենք, բայց որ մարդ երկու անգամ տուն է կորցրել, գնա երրորդ անգամ էլ կորցնի»,- ասեց Հադրութից տեղահանվածներից մեկը:
