News
Լրահոս
News
Ուրբաթ
Օգոստոս 12
USD
406.09
EUR
419.78
RUB
6.7
Տեսնել լրահոսը


Ես կառավարության նիստում քանի անգամ ասում եմ, որ խաղադրույքների թաքնված գովազդներ չլինեն, ուր գնում ես, այդպիսի գովազդ է: Այս մասին այսօր՝ հուլիսի 7-ին, կառավարության նիստում նշեց ՀՀ վարչապետ Նիկոլ Փաշինյանը:

«Էդ մարդիկ չեն լսո՞ւմ, մարտահրավե՞ր են նետում մեզ: Ուր գնում ես ճանապարհներին էսպես bet, bet, bet: Դա ի՞նչ է նշանակում: Եթե պետք է օրենքում կոնկրետ բառերով նշեք, որ այդ բառերն արգելվում է գովազդել: Եթե այդ ընկերություններն այդպիսի վերաբերմունք ունեն կառավարության կողմից վարվող քաղաքականության նկատմամբ, թող իրենք էլ զգան մեր հակառակ վերաբերմունքը: Ստացվում է, որ օրենքն ընդունում ենք, հետո առնետի մի միջանցք ենք  գտնում ու այդ առնետի միջանցքով ամբողջ հանրապետությունը հեղեղում: Ու ես ինչքա՞ն պետք է այդ խնդրին անդրադառնամ: Խոսքը վերաբերում է ՏԿԵ նախարարությանը, ոստիկանությանը, ԱԱԾ-ին: Բա դուք չեք անցնո՞ւմ էդ ճանապարհներով, չեք տեսնո՞ւմ: Թե՞ ձեր զեկույց այն է, որ քանի որ օրենքի 6-րդ տողի 4-րդ  ստորակետից հետո երկու հատ գծիկ կա դրված, այդ էդպես օրենդրական խնդիր կա: Հո առնետուղիներո՞վ չենք երկրում առաջնորդվելու: Այսինքն պետք է վարչապետն անձամբ առնչվի այդ թեմայի հետ, գրում է, որ էսինչ օրը ես մի բան էի ասել, էսինչ փողոցում մի բան կա, որտեղով դուք ամեն օր անցնում եք եւ առնչվում է այդ թեմայի հետ ու ոչ մի ռեակցիա»,-բորբոքված ասաց Նիկոլ Փաշինյանը:

Տպել
Ամենաշատ
Ֆոտոռեպորտաժներ