News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

Աղավնոյի ղեակավար Անդրանիկ Չավուշյանի հետ զրույցում վերահաստատեցինք մեր վճռականությունը՝ շարունակելու Բերձորի, Աղավնոյի և թշնամու օկուպացրած բոլոր մյուս հայկական տարածքների համար մղվող սրբազան պայքարը: Այս մասին իր ֆեյսբուքյան էջում գրառում է կատարել «Հայաստան» խմբակցության պատգամավոր Ասպրամ Կրպեյանը:

Նա, մասնավորապես, նշել է.

«Սույն թվականի հուլիսի 4-5-ը այցով գտնվում էի Արցախի և Սյունիքի տարբեր բնակավայրերում:

Առաջին կանգառը Գորիս քաղաքն էր, որտեղ կարճ, բայց հետաքրիր հանդիպում ունեցա ՀՅԴ Բյուրոյի Երիտասարդական գրասենյակի՝ «Դեպի Սյունիք» ծրագրի շրջանակում, Ավստրալիայի երիտասարդական միության նախաձեռնությամբ և Հայաստանի պատանեկան միության հետ համագործակցությամբ երկշաբաթյա պատանեկան ճամբարի մասնակիցների հետ:

Հաջորդ կանգառն Աղավնոն էր, որտեղ մեզ դիմավորեց համայնքի ղեկավար Անդրանիկ Չավուշյանը։ Քննարկեցինք համայնքին սպառնացող անվտանգային մի շարք հարցեր, տեղեկացա վերջին շրջանում Բերձորի շուրջ ծավալվող հակահայ զարգացումներին: Վերահաստատեցինք մեր վճռականությունը՝ շարունակելու Բերձորի, Աղավնոյի և թշնամու օկուպացրած բոլոր մյուս հայկական տարածքների համար մղվող ՍՐԲԱԶԱՆ պայքարը:

Հուլիսի 5-ին` ՀՀ Սահմանադրության օրը, արդեն Սյունիքի մարզի Նռնաձոր գյուղում էի: Խորհրդանշական էր ՀՀ Սահմանադրության օրը գտնվել Նռնաձորում՝ մի վայրում, որտեղ Մայր օրենքի կոպտագույն ոտնահարմամբ գոյութենական սպառնալիք է ստեղծվել հայ բնակչության համար։

Նռնաձորում այժմ բնակվում են նաև 1991 թ․ Հյուսիսային Արցախի Գետաշենի ենթաշրջանից «Օղակ» պետական-ահաբեկչական գործողության հետևանքով բռնագաղթի ենթարկված հայեր և նրանց՝ արդեն Նռնաձորում ծնված սերունդները։  Նրանք այսօր կանգնած են կրկնակի բռնագաղթի սպառնալիքի առաջ։

Աղավնոն, Նռնաձորը և դավադիր պատերազմի հետևանքով սահմանամերձ դարձած մյուս բնակավայերը պիտի լինեն բոլորիս ուշադրության կենտրոնում: Այնտեղ ապրող արժանապատիվ հայերն ամեն օր գործով են ապացուցում իրենց նվիրումն առ ՀԱՅՐԵՆԻՔ:

Չափազանց կարևորում եմ մարզային այցերն ու սիրելի հայրենակիցներիս հետ հանդիպումները: «Դիմադրություն» շարժման հաջորդ փուլի անկյունաքարային ուղղություններից մեկն էլ հենց ապակենտրոն ու թիրախային պայքարն է: Պայքարի մանդատ ստացածներիս՝ ՀՀ ԱԺ ընդդիմադիր պատագամավորներիս, ամենակարևոր առաքելությունն է լինել մեր հայրենակիցների կողքին՝ նրանց ձայնը լսելի դարձնելու և իրավունքների պաշտպանությունը երաշխավորելու համար:

Հայաստանն ու Արցախն օկուպացրած #հակաՀայաաստան-ի հակահայ, հայասպան ներքին և արտաքին քաղաքականության պայմաններում #դիմադրություն-ը պետք է մտնի յուրաքանչյուր տուն, ընտանիք ու համայնք:

Սա՛ է #հակաՀայաստան-ին հաղթելու միակ միջոցը: Միասնաբա՛ր ենք կերտելու մեր բոլորի երազանքների #ՀավերժականՀայաստան-ը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նոր միջանցքի պահպանությունն իրականացնելու են խաղաղապահները. ԱՀ նախագահը՝ զոհված եւ անհայտ կորած զինվորների հարազատներին
Հանդիպմանը նախագահ Հարությունյանը պատասխանել է ներկաների…
Անհրաժեշտ է պահպանել միջազգային սահմանները. Իրանի ԱԳՆ
«Մենք լավ եւ կառուցողական համագործակցություն ունենք ինչպես Ադրբեջանի Հանրապետության, այնպես էլ Հայաստանի հետ...
Բեռլինում տեղի կունենա հանրահավաք` Բերձորում եւ Աղավնոյում էթնիկ զտումները դադարեցնելու պահանջով
Օգոստոսի 15-ին, երկուշաբթի, ժամը 12-ին, Բեռլինի Բրանդենբուրգյան դարպասների մոտ ...
Բերձորից դեռ բնակիչները դուրս չեն եկել, միայն հավաքել են իրերը. Քաղաքապետ
Քաղաքապետը նշեց, որ քաղաքից տարհանվում են նաեւ մշակութային կոթողները, իսկ եկեղեցու վրայի խաչքարերը հանվել են այն նկաատառումներից ելնելով, որ հետագայում չպղծվեն ադրբեջանցիների կողմից...
Տնազուրկ հայը նորից զգաց ոչ այնքան թշնամու, որքան սեփական իշխանության դաժան հարվածի ծանրությունը. Հասրաթյան
Մանկամտություն է հույս դնել այն իշխանության վրա, որը պետական մակարդակով նախաձեռնելով Բերձորի կամ Աղավնոյի հանձնումը, նույն «հետևողականությամբ» անընդունակ եղավ...
Պարբերաբար հրահրվող սադրիչ գործողություններն ուղղված են Արցախը հայաթափելուն. Արայիկ Հարությունյան
Պետք է զինվել ամուր համբերությամբ և չշեղվել Արցախի անկախության ուղուց...
Ամենաշատ
Ֆոտոռեպորտաժներ