Կառավարությունն իր այսօրվա՝ հուլիսի 14-ի նիստում որոշում է կայացրել եւ գումար է հատկացրել Շիրակի մարզի Երերույքի տաճար տանող և  Իսահակյան-Գյումրի  հանրապետական նշանակության ճանապարհների նորոգման համար։

Մասնավորապես, 1 մլրդ 997 մլն 335 հազար դրամ գումար նախատեսվել է Հ-75, Մ-9-Իսահակյան-Գյումրի-Մ-7 հանրապետական նշանակության ավտոճանապարհի կմ23+250 - կմ37+500 և կմ45+300 - կմ60+200 հատվածների հիմնանորոգման համար։ Շինարարությունը իրականացնելու է «Եվրոասֆալտ» ՓԲԸ -ն։

Հ-93, /Հ-75/ - Երերույքի տաճար հանրապետական նշանակության ավտոճանապարհի կմ 0+000-կմ 2+700 հատվածի հիմնանորոգոման նպատակին նախատեսվել է 300 մլն 264 հազար դրամ։ Շինարարությունն իրականացնելու է «Մերձմոսկովյան» ԲԲԸ-ն։