News
Լրահոս
News
Չորեքշաբթի
Սեպտեմբեր 28
USD
409.82
EUR
394.53
RUB
7.05
Տեսնել լրահոսը

Թուրքմենստանի իշխանություններն արգելափակել են ТАСС-ի, «РИА Новости»-ի, «ИноСМИ»-ի, РБК-ի եւ ռուսական հեռուստաալիքների կայքերի մուտքը, հայտնում է «Ազատլիկ» ռադիոն։

Աշխաբադից հրատարակության թղթակցի փոխանցմամբ՝ արգելափակվել են «բոլոր ռուսական լրատվական կայքերը», որոնց մուտքն ազատ էր մի քանի օր առաջ։

«Սրանք վերջին արտասահմանյան լրատվական կայքերն էին, որոնց հասանելիությունն ազատ էր, իսկ այժմ՝ ոչ: Արգելափակվել է մուտքը ինչպես կայք, այնպես էլ բջջային հավելվածների միջոցով»,- ասել է ռադիոլրագրողը։

Նա նշել է, որ դրանից քիչ առաջ արգելափակվել են ադրբեջանական, ղազախական եւ ղրղըզական լրատվական կայքերը, ինչը գրեթե ամբողջությամբ սահմանափակել է արտերկրից լուրերի հոսքը։

Բացի դրանցից, իշխանությունները սահմանափակել են բազմաթիվ արտասահմանյան բանկերի, վճարային համակարգերի, Microsoft Store-ի ծառայությունների հասանելիությունը, ինչպես նաեւ App Store-ից հավելվածներ եւ երաժշտություն ներբեռնելու գործառույթները։ «Ազատլիկ»-ի տեղեկություններով՝ վերջին արգելափակումը տեղի է ունեցել գրեթե բոլոր VPN ծառայությունների հասանելիության դադարեցման ֆոնին։

Թուրքմենստանը միշտ ինտերնետի արագության եւ ազատության առումով համաշխարհային վարկանիշում զբաղեցնում է վերջին տեղերը։ Երկրում արգելափակված է հասանելիությունը Facebook, Twitter, VKontakte սոցիալական ցանցերին, ինչպես նաեւ Youtube վիդեոհոսթինգին եւ գրեթե բոլոր արեւմտյան լրատվական կայքերին։ Արգելափակված են նաեւ Chronicle of Turkmenistan անկախ հրատարակությունների եւ Turkmen.news-ի կայքերը, որոնց խմբագրություններն աշխատում են արտերկրից։

Բացի այդ, Թուրքմենստանի իշխանությունները արգելափակում են VPN ծառայությունները եւ անընդհատ հետապնդում են քաղաքացիներին դրանք օգտագործելու համար. տուգանում եւ հարցաքննությունների են կանչում արգելափակված կայքերը դիտելու համար:

Հուլիսի 14-ին Turkmen.news-ը հայտնել է ամերիկյան Cloudflare ընկերության մուտքն արգելափակելու մասին, որի օգնությամբ աշխատում էին երկրի կայքերի երկու երրորդը, հայտնում է Asia Plus-ը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ադրբեջանցիների կողմից հաքերային հարձակման է ենթարկվել galatv.am կայքը
ԳԱԼԱ-ի կայքը վերականգնելու եւ մեր բնականոն աշխատանքը շարունակելու ուղղությամբ տարվում են աշխատանքներ...
ԵԽ-ն պատրաստել է Հայաստանի մեդիադաշտի կարիքների գնահատման զեկույց. Հայաստանում ԵԽ գրասենյակի ղեկավար
ԵԽ պատվիրակության անդամներին մասնավորապես հետաքրքրել է մեդիագրագիտության բարձրացման ուղղությամբ ԿԳՄՍ նախարարության իրականացրած աշխատանքները...
Կյանքից հեռացել է «Արմենպրես»-ի խմբագիր Հովհաննես Այվազյանը
Հովհաննես Այվազյանի հոգեհանգստի արարողությունը տեղի կունենա սեպտեմբերի 25-ին Նոր Նորքի Սուրբ Սարգիս եկեղեցում...
ԱԺ-ում լրագրողների նկատմամբ ոտնձգությունների դեպքի առթիվ գլխավոր դատախազին է ուղարկվել հանցագործության մասին հաղորդում
Հաղորդմամբ պահանջվել է նախաձեռնել քրեական վարույթ և այդ վարույթի շրջանակներում գնահատական տալ վերոհիշյալ արարքներին...
Թուրքիան շարունակում է մամուլի ազատության դեմ լայնածավալ ճնշումը․ զեկույց
Այս տարվա հունվարից հունիս ընկած ժամանակահատվածում երկրում գրանցվել է մամուլի ազատության 71 խախտում․․․
ՔՊ-ից պահանջում են ԱԺ-ում լրագրողների նկատմամբ բռնության դեպքերով գումարել էթիկայի հանձնաժողովի նիստ. հայտարարություն
Ավելի ուշ ԱԺ նախագահ Ալեն Սիմոնյանը իրավապահներին հրահանգել է այս երկու լրագրողներին հեռացնել խորհրդարանի շենքից, ընդ որում՝ Անի Գևորգյանը դուրս է...
Ամենաշատ