Ինձ հետաքրքիր է ոչ թե Հայաստան ԱՄՆ ԿՀՎ ռեկավարի այցը եւ քննարկվելիք թեման, այլ նրա երթուղին։ Ինձ հետաքրքիր է, թե որտեղից է նա եկել եւ ուր է գնում։ Այս մասին NEWS.am-ի հետ զրույցում ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Ըստ նրա՝ կարեւոր է, թե որ երկրներում է տեղի ունեցել այդ փոխգործակցությունը։ Այնուամենայնիվ, նա բացառեց հնարավոր զուգադիպությունները։ Նման զուգադիպություններ, ըստ քաղաքագետի, պարզապես չեն կարող լինել։
«Հետախուզության երեք ղեկավարներ գրեթե միաժամանակ ժամանեցին մի քաղաք, որը, արդարության համար, Նյու Յորք չէ։ Սա ամենահետաքրքիր քաղաքը չէ նման երկրների համար։ Այնպես որ, դա հազիվ թե պատահականություն լինի: Ավելին, հուլիսի 7-ին Հայաստան ժամանեց Իսրայելի հատուկ ծառայությունների ղեկավարը։ Միեւնույն ժամանակ, արդեն հուլիսի 15-ին նա մեկնեց Բաքու․․․ Ապա Երեւան ժամանեց ամերիկյան հետախուզության ղեկավարը, որից հետո՝ նրա ռուս գործընկեր Սերգեյ Նարիշկինը»,-ասաց Իսկանդարյանը։
Նա կարծիք հայտնեց, որ այս երկրներին շփման համար որոշակի հարթակ է պետք։ «ԿՀՎ ղեկավար Ուիլյամ Բըրնսը Ռուսաստանի այսպես կոչված «սեւ ցուցակում» է։ Նա չի կարող այցելել Ռուսաստանի Դաշնություն։ Եվ դրա համար նրանց որոշակի հարթակ է պետք»,-նշեց Իսկանդարյանը։
«Ինձ համար դժվար է պատկերացնել, որ այդ այցերը նվիրված են բացառապես Հայաստանին։ Ուրիշ բան, որ խոսվել է նաեւ Հայաստանի եւ նրա խնդիրների մասին։ Այլ կերպ չի կարող լինել։ ԿՀՎ ղեկավար Ուիլյամ Բըրնսի եւ Հայաստանի վարչապետ Նիկոլ Փաշինյանի հանդիպմանը պարզապես չէր կարելի անտեսել հայ-թուրքական հարաբերությունների, ինչպես նաեւ ղարաբաղյան հակամարտության կարգավորման խնդիրը։ Այս ամենը պետք է ինչ-որ կերպ քննարկված լիներ»,-նկատեց փորձագետը։
