Սպիտակ տան մամուլի քարտուղար Քարին Ժան Փիերն ասել է, որ Միացյալ Նահանգների նախագահ Ջո Բայդենը վարակվել է Covid-19-ով:
Մամուլի քարտուղարը նշել է, որ Բայդենը կրկնակի պատվաստ է ստացել, սակայն նրա մոտ կորոնավիրուս է հայտնաբերվել, որն ընթանում է թեթեւ ախտանշաններով: Հիվանդությունների վերահսկման եւ կանխարգելման կենտրոնի առաջարկության համաձայն՝ նա մեկուսացված կլինի Սպիտակ տանը եւ այս ընթացքում ամբողջությամբ կշարունակի կատարել իր բոլոր պարտականությունները:
Հայտնի է, որ առաջին տիկին Ջիլ Բայդենի թեստի արդյունքը բացասական է եղել: Նա լրագրողներին հայտնել է, որ Ջա Բայդենի հետ զրուցել է եւ նա իրեն լավ է զգում:
Սա առաջին անգամ է, որ ԱՄՆ նախագահի թեստի արդյունքը դրական է լինում:
