ՌԴ ԱԳՆ-ը դեմ է Իրաքը տարածաշրջանային առճակատման ասպարեզի վերածելուն, ասվում է նախարարության հայտարարության մեջ։
Հուլիսի 20-ին Թուրքիայի զինված ուժերը գնդակոծել են Իրաքի հյուսիսում Դոհուկ գավառը, ինչի հետեւանքով զոհվել է 9 մարդ, այդ թվում՝ երեխաներ, ավելի քան 20 խաղաղ բնակիչներ վիրավորվել են։
ՌԴ ԱԳՆ-ն ցավակցություն է հայտնել զոհվածների ընտանիքներին ու հարազատներին, իսկ վիրավորներին մաղթել շուտափույթ ապաքինում։
Ռուսաստանը դեմ է Իրաքը տարածաշրջանային առճակատման ասպարեզ դարձնելուն։ Մոսկվան պատրաստ է սկզբունքորեն եւ հետեւողականորեն աջակցել բարեկամ Իրաքի կայունությանը եւ անվտանգությանը։