Պաշտոնական Երեւանը բազմիցս հայտարարել է, որ «Զանգեզուրի միջանցքի» տրամաբանությունը հայկական կողմի համար որեւեէ կերպ ընդունելի չէ։ Այս մասին հուլիսի 26-ին Ազգային ժողովում լրագրողների հետ հանդիպման ժամանակ հայտարարեց ԱԺ արտաքին հարաբերությունների մշտական հանձնաժողովի նախագահ, ԵԱՀԿ ԽՎ-ում հայկական պատվիրակության ղեկավար, իշխող «Քաղաքացիական պայմանագիր» խմբակցության պատգամավոր Էդուարդ Աղաջանյանը։
Նա, մասնավորապես, մատնանշեց Եվրախորհրդի նախագահի գրասենյակի հայտարարությունը, որը մեկնաբանել էր Ադրբեջանի նախագահի հայտարարությունները։ «Կարեւոր եմ համարում նշել, որ վարչապետ Նիկոլ Փաշինյանի, Ադրբեջանի նախագահի եւ ԵԽ նախագահի վերջին հանդիպումից հետո, երբ Ադրբեջանի նախագահը համապատասխան հայտարարությամբ հանդես եկավ, այդ թվում` հիշատակելով «Զանգեզուրի միջանցքը», Եվրախորհրդի նախագահի գրասենյակը պարզաբանում էր տարածել: Դրանում նրանք հերքմամբ էին հանդես եկել՝ հայտարարելով, որ այդպիսի քննարկումներ չեն եղել»,- պարզաբանեց Աղաջանյանը։
Նրա խոսքով՝ Ադրբեջանի պահվածքը չի օգնում եւ չի նպաստում կառուցողական քննարկումներին։ Պատգամավորը մատնանշեց հարեւանների ոչ ադեկվատ պահվածքը՝ նրանց մեղադրելով նախկինում ձեռք բերված պայմանավորվածությունները խախտման մեջ։ «Հայաստանը հրաժարվում է քննարկել Զանգեզուրի միջանցքի հարցը եւ ամենասկզբից հրաժարվել է անել դա»,- վստահեցրեց պատգամավորը։