Վագոն-տնակում բռնկված հրդեհը մարելու հետեւանքով 2-րդ աստիճանի այրվածքներ ստացած ՊՆ N զորամասի պարտադիր ժամկետային զինծառայող, շարքային Պալյան Պողոսյանի վիճակը շարունակում է մնալ ծայրահեղ ծանր։ Այս մասին NEWS.am-ի հետ զրույցում ասաց ՊՆ մամուլի քարտուղար Արամ Թորոսյանը։
Հիշեցնենք, որ նախօրեին՝ հուլիսի 17-ին ժամկետային զինծառայողը ջերմային 2-րդ աստիճանի այրվածքով Զանգեզուրի կայազորային հոսպիտալ էր ընդունվել, այնուհետեւ տեղափոխվել Այրվածքաբանության ազգային կենտրոն։
NEWS.am-ի հետ զրույցում ՊՆ մամուլի քարտուղար Արամ Թորոսյանը հայտնել էր, որ զինծառայողը այրվածքները ստացել էր մարտական դիրքի վագոն-տնակում բռնկված հրդեհը մարելիս։ Հրդեհն առաջացել էր վառարանի կայծից։
Ժամկետային զինծառայողն այրվածքը ստացել է մարտական դիրքի վագոն-տնակում բռնկված հրդեհը մարելիս. ՊՆ